Abadala bathi ubusuku bufihla okunengi okwenzakalayo kungabe kungokuhle kumbe okubi.
Kunjalo ledolobheni lako Bulawayo, yisiphithiphithi amantombazane amancane, amanye aleminyaka elitshumi lambili, abhoda emigwaqweni ebusuku edinga amadoda angabahlawula ukungena lawo emacansini. Sikhuluma labanye babo.
"Ibizo lami nguNobuhle, ngile 16 years. Ngithengisa umzimba … ngidinga imali. Ukuthi ngubaba onganani ngiyabe ngingakhethi, ngiyabe ngifuna imali kuphela. Ngiyabe ngifuna ukuthengela umntanani ole one year, lami ngithenge okwami konke legrocery. Ubaba womntwana sahlukana akazange angithathe vele wangitshiya ngizithwele."
Ukuswelakala kwemisebenzi kwenza lalabo abafundileyo bangene kulumsebenzi wokudinga imali ngokulala labesilisa abatshiyeneyo. UCatherine Ndlovu uthi wafunda eNational University of Science and Technology koBulawayo.
"Ngiyenza umsebenzi so ngilabantwana abathathu. So, yikho engithola khona imali khonalapho. Ngafunda eNUST ngaba leDegree lami but yikho lapho engithola khona imali khonalapho yikho engikwenzayo. Abafana bonke kuyahlanganisa konke cause yikho esithola khona imali. Siya sacrifisa cause uyabe ungela choice yikho esithola ngakho imali."
Amanye amantombazana la zintandane ezingela bazali kumbe izihlobo ezingabaqondisa zibabonise ngempilo. UMaNdlo ngomunye wabo.
"Ibizo mina nginguMaNdlo. Lapha ngizama ukudinga impilo. Ungangipha i10$Bond sibesesisenza cause lapha angilayo into engabamba umsebenzi ukuthi ngiphile.NgiyaRenta one room ukuze ngibhadale irent kuyomele ukuthi linginike i10$Bond sibesesisenza. Iminyaka engilayo khathesi yi18years. Esikolweni ngacina kuForm One ngatshonelwa ngabazali angisatholanga ithuba lokuqhubekela phambili ngeskolo."
Bahlangana lokuhlukunyezwa okumangalisayo.Kwesinye isikhathi abanye bayabhinywa kumbe batshaywe ngabesilisa ababadobhayo. UMary uke wadlwengulwa ekulo umsebenzi.
"Ngile17, ngiyathengisa umzimba. Endlini kwakungamanga kuhle. Abazali bami babhubha so bengihlala logogo. Ugogo nguye owayethe ngihambe ngiyedinga umsebenzi. Ngasengihlangana labanye osisi yibo abangi introdusayo emsebenzini wonalowu. Bayasitshaya sometimes abanye nxa sisuke sacela ukuthi ebhadale, ebesesibamba ngamandla ukuthi kabhadali ebesesitshaya."
Abanye abantu abadobha lababantwana bayelala labo okwesikhatshana bebabhadala imali enengi balamakhosikazi ezindlini njalo bakhulile. UMnu. Joe Nkomo uleminyaka engamatshumi amahlanu lanhlanu uqeda kubhadala intombazana eleminyaka elitshumi lasikhombisa.
"Hayi usisi lowu-ke lapha lami ngimbhadele, ngimthengile ngoba labo bayathengisa so ukuze labo baphile lathi kumele sibaphilise. Umfazi ngilaye sibili kodwa ngimthengile so yinto ekhona nje leyo. I20$Bond leyo tholukuthi laye iyamsiza ngezinye indlela. Umkhuhlane ngiyavikela sibili ngoba ngilomfazi kodwa ngiyathenga lami ukuthi ngizilibazise."
Sikhulume lengcwethu ebona ngokuphila kwabantu njalo langomkhuhlane wengondo osebenza koBulawayo, uNkosazana Lisa Austin.othi ukuhlupheka kwenza amantombazana amanengi adinge imali ngendlela ezinengi.
"Kujayelekile kakhulu ukubona laba abasaswelayo kuyibo abagcwele emastridini bethengisa imizimba yabo kukanti njalo abanye abantu bayenza njalo ngenxa yokuthi sokule peer pressure from abangane babo.Bafuna ukuthi befike ku same stage labangane babo. Engxenye umuntu uyamthol’ukuthi khonakhona edlala labantu abalemali kakhulu yena evele ebuya from endlini lapha okungela mali khona, sebon’ukuthi kungcono ukuthi khonakhona ethengise umzimba wakhe khona eyathola leyo mali khona laye ezafanana labanye bakhe."
Amapholisa alile ukukhuluma ngodaba lolu leStudio 7. Kukhanya engani bamiswa nguhulumende ukubopha abantu abathengisa imzimba kuloba kulicala ukwenzanjalo.
