UDonata Katai, omele ilizwe leZimbabwe kumncintiswano wokuntsheza emidlalweni ye2020 Tokyo Olympic Games, wehlulekile namuhla ukungena kusibaya sabazamcintisa kuma semi-finals.
Isikhulumeli senhlanganiso yeZimbabwe Olympics Committee, uFrederick Ndlovu, uthi uDonata, owenza i-100 meter backstroke, ubenqobe abadabuka kwele India lele Grenada emidlalweni yama heats eyenzelwe eAquatics Center kwele Japan.
UNdlovu uthi uDonata uphutshe umncintiswano wama heats owe100 meter backstroke ngokwedlula kancane umzuzu – 1:02:37.
Kusenjalo, uPeter Purcell Gilpin laye ukhe phansi kumncintiswano we-rowing. Ubengowokucina kumncintiswano lo.
Kutsho ukuthi akasangeni esibayeni salabo abafisa ukuthola izicoco ezinjenge gold, silver le bronze.
EleZimbabwe limelwe ngabantu abahlanu emidlweni yama Olympics eyamiswa nyakenye ngenxa yokumemetheka kwegciwane leCOVID-19.
