Abadabuka eNyamandlovu lokhu bedane okumangalisayo ngokubulawa komunye wabo owagongodwa yindoda waphela umoyo kwaphoselwa isidumbu sakhe emgodini omdala.
Abakhulume lomsakazo weStudio 7 bathi kuyethusa okwenziwa nguClifford Phiri owabulala uMaggie Ndlovu, owayemcabangela ukuba usekhombile.
Bathi akumelanga kwenzakale lokhu eZimbabwe ngoba kwephula inhliziyo. UNkosazana Tryphine Mpala, odabuka eDrysdale eNyamandlovu, uthi kumele abesifazana bekunanzelele konke okwenziwa ngamadoda abo ukwenzela ukuba bengakhahlanyezwa.
Lokhu kusekelwa nguSeka Carlos, owaziwa kuWard 13 Emagwadini ngegama elithi nguNgwevuyezulu.
UMnu. Manzana Ncube, odabuka eBhumane eNyamandlovu, ulombono ofanayo.
UPhiri uzathoniswa emthethwandaba koBulawayo icala lokubulala uMaNdlovu.
