UClifford Ndlovu, owabulala umkakhe uMaggie Ndlovu epulazini leWoodcroft eNyamandlovu ngoMpandula, ukhangelelwe ukuba uzamiswa emthethwandaba kunsukwana ezilandelayo.
Amapholisa athi uPhiri, odabuka eNyathi, wabulala uMaNdlovu ecabangela ukuba usethandana leyinye indoda. Athi uPhiri wamtshaya ngogodo wamephula amathambo amanengi engakaphoseli isidumbu sakhe emgodini omdala. Wabanjwa ngabantu bamusa emapholiseni.
Ngosuku ebotshwa, wahanjiswa lapho ayehlala khona loMaNdlovu lalapho aphosela isidumbu sakhe.
Kwakuxokozela okumangalisayo ngalelo langa abantu befuna ukumsusela amanqe besithi wayencediswa ngesinye isakhamuzi.
Bathi kulomuntu owabona uPhiri ebulala uMaNdlovu wehluleka ukumnceda.
Abantu abanengi bayakhala ngesehlakalo lesi besithi uPhiri wenza ihlazo. UMnu. Mabutho Sithole uthi kumele abesifazana bevikelwe sonke isikhathi.
UMnu. Sikhumbuzo Mlalazi, olandela okubhekane lozulu emhlabeni wonke jikelele, uthi kuzwisa usizi ukubona abantu bebulala abesifazana.
ulombono ofanayo.
Kambe kwenziwa yini ukuba abantu babulale amakhosikazi abo. Sizaqhubeka ngodaba lolu kuhlelo lwamasiko lokuphila kwabantu nsukuzonke.
