Izakhamizi zakoBulawayo ziyakhonona ngesigwebo esethulwe nguhulumende esivimba uzulu ukuba engagadi izimota ezingekho phansi kwenkampani yeZimbabwe United Passenger Company (ZUPCO).
Abantu abagada izimota lezi ezaziwa ngokuthi yiMishikashika bahawuliswa inkulungwane ezimbili zamadola eZimbabwe - $2,000. Ukumiswa kwamakhombi angekho ngaphansi kwekampani yeZupco sekutshiye abantu abanengi bengela msebenzi okubangela ukuthi basebenze okungekho emthethweni.
UMnu. Ambrose Sibindi, umgcinisihlalo wenhlanganiso yezakhamizi eyeBulawayo Progressive Residents Association, uthi umthetho lo ofakiweyo unzima kakhulu ebantwini.
“Umthetho lowu wokuthi kubotshwe abantu abagada imota ezingasozako Zupco kubuhlungu kakhulu ngoba abantu bayabe sebegada lezo mota ngenxa yokuthi uZupco kenelisi ukuthi athwale abantu ngesikhathi. Sinanzelela ukuthi kulecurfew futhi umuntu uyatshayisa emsebenzini ebona ukuthi icurfew isizafika ebesegada zonalezo imota. lndaba le eyokuthi abagada lezo mota sebebhadaliswa amafine l think ama authorities abake bakucabangisise kuhle ngoba sekuyikuhlukumeza abantu uZupco uyehluleka ukuthwala abantu ngesikhathi.”
Lokhu kusekelwa nguMnu. Gift Sibanda, omunye wabatshayela amakhombi angekho phansi kwenkampani yeZUPCO.
“Into yokubophana yikungacabangelani singabantu abamnyama uyabona khathesi nxa kunje kufanele ukuthi wonke umuntu omyama abe le business ayenze akukwanisayo yikho kuthwa Zimbabwe is open for business, manje nxa sekuthiwa open for business kuZupco kuphela sokuyikudelela abanye. Njalo nxa singathi siyakhangela uZupco kenelisi ukuthi athwale abantu bonke. Kodwa uyathi uyakhangela ntambama amabhasi.
UMnu. Melusi Mpofu, omunye wabatshayeli bemshikashika, uthi amapholisa yiwo abaqedela imali ngoba lapha abahlangana labo khona bayayifuna.
“Abantu laba basithwalele ubhulo ukuthi bethi sidle ngaphi asikwazi roadblock after roadblock nxa ufika kuroadblock kumele ukhiphe imali imota amaphepha akwanile ilicence ikhona abantu bagqokile ama mask. UZupco akala social distance bayabe belokhe behluphana lathi khathesi izikolo ziyavulwa abantwana bafuna imali yefees bathi imali siyisebenze ngaphi amapholisa esigijimisa bona bethola kithi imali yefees.”
Esinye isakhamuzi sakoBulawayo, uMnu. Thembelani Dube, uthi inkampani kaZUPCO ayilamabhasi ayeneleyo angathwala abantu bonke.
“UZupco yicompany engela mabhasi aqondane layo amanengi baphila ngokubhaxhisa kwezinye inkampani ezilabanikazi ukuthi abantu bazabotshwa nxa bethe bagada ezinye imota ezingekho ngaphansi kophahla lukaZupco asonto eqondileyo njalo asonto ezasiza ngoba abantu banengi kakhulu ukwedlula amabhasi akhona.lzikolo zivulwa nje abantwana bazagcwala endaweni ezitshiyeneyo njalo uzupco kangeni kwamanye amalokitshi esuka kwamanye uqonda edolobheni kuphela ngokunjalo kubangela ukuthi kube lokusilela kwetransport kuyinto engaqondanga ukuthi abantu bengatholakala begade leyo transport babotshwe ngoba itransport kaZupco isilela.”
UMnu. Future Maphosa, omunye njalo wabatshayeli, uthi lokhu bethwala abantu loba bethwaliswa nzima nguhulumende.
“Ukutshova asimanga lokhe sitshova bayagada abanye abesabayo bahamba ngobusuku sebebuya ukuzogada kithi ngoba yithi esiyabe siletransport eyabo Zupco bayabe sebetshayisile yikho okucina abantu bebanjwa inkunzi enzikini yedolobho lelokitshini bayabe bemelele kodwa sebesesaba.”
Abantu abanengi sebehamba umango omude besuka ezindlini zabo besiya emsebenzini ngenxa yokusilela kwamabhasi eZUPCO. Uhulumende uthi usethenga amanye amabhasi ukwenzela ukulungisa uhlupho lokuthwala uzulu.