HARARE —
Ibandla le Mavambo Kusile Dawn elikhokhelwa nguMnu Simba Makoni likhuthaza uzulu okhangelelwe ukuvota kukhetho lokwamukela kumbe ukwala ugwalo olukhangelelwe ukuba yisisekelo sombuso esitsha lweReferendum ukuba avote esala ukusamukela lesisisekelo.
UMakoni utshele intathelizindaba eHarare ngoLwesithathu ukuba indlela lesi sisekelo esilotshwe ngayo iyephula isivumelwano se global political agreement.
Uthi amabandla akuhulumende womanyano kunye le Parliamentary Constitution Committee (COPAC) behluleke ukulandela okudingakalayo ukuba lesi sisekelo sibe ngesibhalwe nguzulu we Zimbabwe ethi lumsebenzi ucine usedlandleni zabezombusazwe uzulu etshiywa ngaphandle.
Uthi lomsebenzi osusenziwa wokufundisa uzulu ngomumo walesisisekelo wenziwa ngendlela engasuthisiyo kungela ngwalo ezenelayo njalo zingekho ezifakwe kundimi zakuleli.
UMakoni uthi lesi sisekelo silezinye izigaba ezinhle ezamukelekayo ezifana lokwehliswa kwamandla kamongameli welizwe lezinye iziphathamandla zikahulumende.
Ukubunjwa kwama komishini atshiyeneyo lokulondolozwa kwamalungelo abantu ethi noma kunjalo kunengi abaphikisana lakho.
Kusenjalo, uMnu. Sibasa Tshuma isakhamuzi sakoBulawayo uthi abantu kumele benze abakufunayo nxa bevotela isisekelo esitsha sombuso welizwe.
Esiyenye njalo isakhamuzi sakoBulawayo esifuna ukubizwa ngokuthi nguMnu. Ncube uthi kunengi kakhulu okuhle okumumethwe yisisekelo esitsha sombuso welizwe.
UMakoni utshele intathelizindaba eHarare ngoLwesithathu ukuba indlela lesi sisekelo esilotshwe ngayo iyephula isivumelwano se global political agreement.
Uthi amabandla akuhulumende womanyano kunye le Parliamentary Constitution Committee (COPAC) behluleke ukulandela okudingakalayo ukuba lesi sisekelo sibe ngesibhalwe nguzulu we Zimbabwe ethi lumsebenzi ucine usedlandleni zabezombusazwe uzulu etshiywa ngaphandle.
Uthi lomsebenzi osusenziwa wokufundisa uzulu ngomumo walesisisekelo wenziwa ngendlela engasuthisiyo kungela ngwalo ezenelayo njalo zingekho ezifakwe kundimi zakuleli.
UMakoni uthi lesi sisekelo silezinye izigaba ezinhle ezamukelekayo ezifana lokwehliswa kwamandla kamongameli welizwe lezinye iziphathamandla zikahulumende.
Ukubunjwa kwama komishini atshiyeneyo lokulondolozwa kwamalungelo abantu ethi noma kunjalo kunengi abaphikisana lakho.
Kusenjalo, uMnu. Sibasa Tshuma isakhamuzi sakoBulawayo uthi abantu kumele benze abakufunayo nxa bevotela isisekelo esitsha sombuso welizwe.
Esiyenye njalo isakhamuzi sakoBulawayo esifuna ukubizwa ngokuthi nguMnu. Ncube uthi kunengi kakhulu okuhle okumumethwe yisisekelo esitsha sombuso welizwe.