BULAWAYO —
Umphathintambo obona ngezokuqoqwa kwenotho, uMnumzana Tapiwa Mashakada utshele izizalwane ze South Africa ezifuna ukuvula amabhizimisi kuleli ukuthi amazwe womabili alesivumelwano esivikela ukuthathwa kwamankampani ezizalwane ze South Africa ngaphansi komthetho wokunika amandla kwabensundu bakuleli owe indigenization.
UMashakada uthi isivumelwano lesi ese Bilateral Agreement sivikela osomabhizimisi bonke be South Africa kunhlangothi zonke zenotho yelizwe ngaphandle kwalabo abaphatheka kwezamaphulazi.
Uthi akulasizatho sokuthi osomabhizimisi be South Africa bethuke bahlalele evalweni lapho beletha imali yabo ukuzathuthukisa inotho yezimbabwe.
Lanxa kunjalo amankampani eSouth Africa kuleli anjenge Pretoria Portland Cement, iTongaat Hullet le Zimplats kawahlalisekanga ngoba ehlala esethuselwa ukuthi kumele aguqule alandele imithetho le.
UMashakada wengeze wathi okwakhathesi imali esingene elizweni ivela kumankampani eSouth Africa ifika phose amabillion amathathu amadollar - $2.8 billion kusukela ngomnyaka ka 2010.
Ummeli we South Africa kuleli, uMnumzana Vusi Mavimbela, utshele lumhlangano ukuthi uhulumende welizwe lakhe wathatha isinqumo sokusekela ukuvuselelwa kwenotho yakuleli ngokukhipha imali yokusungula amabhizimisi eZimbabwe.
Kunjalo nje, abantu abanengi bathi umbukiso we ZITF lokhe ulesisindo loba nje wake wehluleka ukuhuga amankampani avela emazweni atshiyeneyo ngenxa yokugugudeka komnotho welizwe kusukela ngomnyaka ka 2002 kusiyafika umyaka ka 2008.
Kodwa-ke bakhona njalo abathi iZITF seyaphela amandla okuvuselela umnotho welizwe njalo lokuthi osomobhizimusi babhalelane phansi ubudlelwano kwezamabhizimusi.
Ukuze sihlaziye udaba lolu sixoxe loMnu. Patrick Thaba Moyo umayor wedolobho lakoBulawayo loMnu. George Nkiwane umqondisi we Zimbabwe Congress of Trade Unions.
UMashakada uthi isivumelwano lesi ese Bilateral Agreement sivikela osomabhizimisi bonke be South Africa kunhlangothi zonke zenotho yelizwe ngaphandle kwalabo abaphatheka kwezamaphulazi.
Uthi akulasizatho sokuthi osomabhizimisi be South Africa bethuke bahlalele evalweni lapho beletha imali yabo ukuzathuthukisa inotho yezimbabwe.
Lanxa kunjalo amankampani eSouth Africa kuleli anjenge Pretoria Portland Cement, iTongaat Hullet le Zimplats kawahlalisekanga ngoba ehlala esethuselwa ukuthi kumele aguqule alandele imithetho le.
UMashakada wengeze wathi okwakhathesi imali esingene elizweni ivela kumankampani eSouth Africa ifika phose amabillion amathathu amadollar - $2.8 billion kusukela ngomnyaka ka 2010.
Ummeli we South Africa kuleli, uMnumzana Vusi Mavimbela, utshele lumhlangano ukuthi uhulumende welizwe lakhe wathatha isinqumo sokusekela ukuvuselelwa kwenotho yakuleli ngokukhipha imali yokusungula amabhizimisi eZimbabwe.
Kunjalo nje, abantu abanengi bathi umbukiso we ZITF lokhe ulesisindo loba nje wake wehluleka ukuhuga amankampani avela emazweni atshiyeneyo ngenxa yokugugudeka komnotho welizwe kusukela ngomnyaka ka 2002 kusiyafika umyaka ka 2008.
Kodwa-ke bakhona njalo abathi iZITF seyaphela amandla okuvuselela umnotho welizwe njalo lokuthi osomobhizimusi babhalelane phansi ubudlelwano kwezamabhizimusi.
Ukuze sihlaziye udaba lolu sixoxe loMnu. Patrick Thaba Moyo umayor wedolobho lakoBulawayo loMnu. George Nkiwane umqondisi we Zimbabwe Congress of Trade Unions.