Uhulumende weZimbabwe useqalile ukwabela izakhamizi zemaphandleni inhlanyelo lobanje abanye abantu bengayitholi.
Lokhu sokubangele ukuthi abanye abantu bengenelisi ukuqala ukulima loba izulu lisina.
Uhulumende njengokwethembisa kwakhe phansi kohlelo lokulima olwe Command Agriculture, usenelisa ukwabela ezinye izakhamizi zemaphandleni inhlanyelo yomumbu, amabele lomvundiso.
Isakhamuzi seMangwe, uNkosikazi Emelia Nkomo, uthi izakhamizi ziyayithola inhlanyelo.
Kodwa isakhamuzi seBrunapeg eSanzukwi, uMnu. Andrew Dube, uthi inhlanyelo abakayitholi kodwa sebelungiselele ukulima.
UNkosikai Phathekile Moyo uthi abakayitholi inhlanyelo njalo lonyaka bazalima nzima izifuyo ziyacuba kodwa amanzi okunatha balawo.
Ekhuluma labosomabhizimusi koBulawayo kumaviki amane adluleyo, uMongameli Emmerson Dambudzo Mnangagwa uthembise ukuba bonke abalimi bazathola inhlanyelo lomvundiso kungelanhlawulo abayikhuphayo.
Abanye abalimi sebelima ngoba sebetholile incosana yenhlanyelo kuhulumende kuthi abanye sebelima ngokukholwa ukuthi bazayithola ngoba ngomusa weNkosi lokhe bengakayitholi lobanje izulu selithe lasewula.
