Abanye abantu bathi kabasenelisi ukuziphilisa ngenxa yokuhlala ezindlini kusenzelwa ukuvimba umkhuhlane weCoronavirus COVID-19.
Omunye wabahlutshwa yikuhlala ezindlini nguMnu. Senzo Tshabalala ohlala eNkulumane othi kasenelisi ukulandela iziqondiso zokungagudlani labantu ngenxa yokuswelakala kokudla.
“Ilockdowon ikhona kodwa ngibona abantu belayinele impuphu abala choice ngoba impuphu ungayekela ukuyilayinela ayikho. Ngakho singaze sibe sifisa ukuhlala endlini isimo sokudinga impuphu lento esizifuna kakhulu kuyasuthuma ukuthi siphume. Ngabe uhulumende uyasinikeza zibekhona ukuthi umuntu uyakwanisa ukuthi angene eshop athathe aziphumele ehambe but akukho kuyalayinelwa akusela ncedo ukuthi sihlale endlini.”
Lokhu kusekelwa nguMnu. Edward Ncube, isakhamuzi seNkulumane koSekusile.
“Manje bheka abantu bagcwele indawanayonke, bebengeze bahlala phansi ngobabafuna ukudla bafuna yonke into kubangabe kulokudla ngelock down ngabesiyayilandela. Kunjenje ungathi uyakukhangela kahlekahle thina kithikusizele kabuhlungu sihleli asisebenzi, siyahamba nje sihanjiswa yindlalakungakusindlala ngabesisendlini siyacinasiphathwa ngumkhuhlane.”
Esinye njalo isakhamuzi sako Bulawayo, uNkosikazi Caroline Sibanda, uthi ilockdown ibanikeza isikhathi sokwazi abantwana kanye lokutshona laboboba ezindlini.
“Ilock down leyi iright ngoba iyasivikela emkhuhlaneni kodwa nxa kuyithi esiphila ngokuhlanganisa. Kuright ngoba khathesi sesisazana Labantwana labobaba kesitshone labo ezindlini, lama small house ake ehle kuke kube lothando endlini. Yikho lapho enhle khona ilockdown leyi.’’
UMnu. Dumisani Chauke, ohlala eNkulumane 12, uthi akulalutho oluguqukileyo emalokitshini koBulawayo ngoba abantu benza njengenhlalayenza.
“Khathesi ilockdown ikhona kodwa kungani kuthiwe abantu bengangeni etown kuphela, emalokitshini akula lockdown abantu abangeni etown kodwa ungabuya emalokitshini lapha abantu bayazihambela bayaziwayawayela. Le social distancing yakhona uyathola abantu betshayana izandla bebambene belayinele impuphu kuyafanana vele lokhu ilock down isetown kuphela ngoba yikho lapha okutholakala khona icorona mhlawumbe kodwa emalokitshini mbona engani ayikho ilockdown ngoba abantu bayaziwaywayela behamba imango emide abantu batshona emgwaqweni akula lock down enje.”
Abathenga bethengisa impahla emigwaqweni abanjengo Nkosikazi Comfort Nare, bathi kubabisela muva ukuvalwa kwendawo ezinengi ilizwe lilwisana lomkhuhlane weCoronavirus.
“Mina ngingumuntu oziqhatshileyo ngiyathengisa kimi ilock down leyi ingibisele emuva kakhulu ngoba khathesi ibusiness imile sonke sisendlini abantwana bafuna ukudla ngicina ngithatha yonaleyo imali ngisiya thenga ukudla.
“Amaprizes emashop akhwele okungenziyo ukuthi nga uHulumende ade efake isandla ukuthi amaprizes angakhweli uyathenga uchago i500mls nge$22 into ebiyi $11 so ama prize aqanse kakhulu kithi thina esizisebenzayo vele kunzima kakhulu ngoba imali yethu khathesi asikwazi ukuthi sizavula sekuyimalini sisiyawoda kungibisele emuva kakhulu ilock down leyi.”
Udokotela wesibhedlela seMpilo koBulawayo, uSolwayo Ngwenya, ukhuthaza uzulu ukuthi azivikele ngokungaminyani lapho befolele imphuphu lokunye.
‘‘Pho siyabona ngelockdown eyafakwa nguhulumende, kutholakale ukuthi abantu liyaxokozela kakhulu lizama ukuthenga impuphu, kuqahathekile ukuthi limekhatshana labanye abantu, two meters away ngoba nxa useduze umuntu engakuphefumulela uyalithatha, njalo uzaqeda amaviki amabili uhamba uthelela abanye wena ungaguli, uzathi usugula abanye bayasila abanye bayatshona batshiye abantwana.’’
Kukhangelelwe ukuthi abantu bahlale ezindlini zabo, bageze izandla sonke isikhathi, bangagudlani labanye njalo bethimulele engalweni ukwenzela ukulwisana lomkhuhlane weCoronavirus.
