BULAWAYO —
Iqembu lelizwe lama Warriors linqobe ele Lesotho 2-1 emdlalweni we COSAFACastle Cup semi-final odlalwe lamuhla eLevy Mwanawasa Stadium eNdola kwele Zambia.
Umdlali wama Warriors uTendai Ndoro ulithele kabili emambuleni kwathike uMotlalepula Mofolo weLesotho wahlohlela ilizwe lakhe.
Iqembu elizanqotshwa phakathi kwe Zambia le South Africa lizanqhikilana lele Zimbabwe ku COSAFACup final. IZimbabwe yiyo ephethe inkomitsho ye COSAFA Castle Cup.
Kusenjalo, umdlali kakhilikithi olodumo emhlabeni jikelele uHeath Streak uzasungula okusemthethweni inhlanganiso yakhe ebunjwe ukuze ithuthukise umdlalo lo eZimbabwe.
UStreak okewaba ngukaputeni weqembu lelizwe njalo oke wasebenza njengomsekeli kamqeqetshi esikhathini esedluleyo ukhangelelwe ukwethula emphakathini inhlanganiso ebizwa ngokuthi yi Heath Streak Consultancy and Sports Development kwelinye lama hotela asedolobheni lako Bulawayo ekupheleni kwenyanga kaNtulikazi.
Ulenhlanganiso efanayo eyaqalwa eminyakeni edluleyo elizweni lase India yona ayiqale lobemela kwezemidlalo kakhilikithi uJoseph Rego.
Bobabili laba bathi linhlanganiso yaqalwa ukuze iphathise abaswelayo njalo baveze ithemba lokuba bazathola usekelo oluvela emankampanini atshiyeneyo okuzakwenza ukuba linhlanganiso iphumelele lase Zimbabwe.
Umdlali wama Warriors uTendai Ndoro ulithele kabili emambuleni kwathike uMotlalepula Mofolo weLesotho wahlohlela ilizwe lakhe.
Iqembu elizanqotshwa phakathi kwe Zambia le South Africa lizanqhikilana lele Zimbabwe ku COSAFACup final. IZimbabwe yiyo ephethe inkomitsho ye COSAFA Castle Cup.
Kusenjalo, umdlali kakhilikithi olodumo emhlabeni jikelele uHeath Streak uzasungula okusemthethweni inhlanganiso yakhe ebunjwe ukuze ithuthukise umdlalo lo eZimbabwe.
UStreak okewaba ngukaputeni weqembu lelizwe njalo oke wasebenza njengomsekeli kamqeqetshi esikhathini esedluleyo ukhangelelwe ukwethula emphakathini inhlanganiso ebizwa ngokuthi yi Heath Streak Consultancy and Sports Development kwelinye lama hotela asedolobheni lako Bulawayo ekupheleni kwenyanga kaNtulikazi.
Ulenhlanganiso efanayo eyaqalwa eminyakeni edluleyo elizweni lase India yona ayiqale lobemela kwezemidlalo kakhilikithi uJoseph Rego.
Bobabili laba bathi linhlanganiso yaqalwa ukuze iphathise abaswelayo njalo baveze ithemba lokuba bazathola usekelo oluvela emankampanini atshiyeneyo okuzakwenza ukuba linhlanganiso iphumelele lase Zimbabwe.