Amankampani ambalwa asemsebenzini wokwethekelelwa kwelizwe lezemvelo eZimbabwe athi ilizwe likhangelelele ukuba lezethekeli ezinengi lonyaka ezivela kwamanye amazwe ngesikhathi seKhisimusi loba nje isimo somnotho singamanga kuhle okwamanje.
Abaqondisi bamankampani la eMasvingo leVictoria Falls abakhulume leStudio 7 bathi kuyajabulisa ukuthi kukhanya bebanengi abantu abathakazelela ukuzokwethekelela elizweni.
Bathi inengi labantu ababuya elizweni bavela emazweni anjengeMelika leChina abayabe kwesinye isikhathi belanda ukuzekhangela amathuba amatsha ezamabhizimusi emhlubulweni wezansi yezwekazi leAfrica.
Inkampani ebona ngezokwethekelelwa kelizwe eye Zimbabwe Tourism Authority ibika ukuthi banengi abantu bemazweni abeze ukuzobuka ezemvelo kwele Zimbabwe nyakenye.
Ithi inani leli ledlula abenze okufanayo ngomnyaka ka2012. Isadingisisa inani labantu abethekelele ilizwe umnyaka wonke nyakenye.
Omunye wabaqondisi beIlala Lodge eVictoria Falls, uMnu. Siphambaniso Moyo, uxoxe leStudio 7 ngodaba lolu.