Umlobi weBhilithane olodumo, UNkosikazi Doris Lessing, obhubhe nyakenye utshiyele eleZimbabwe amabhuku angaba zinkulungwane ezintathu – 3,000 okumele asetshenziswe nguzulu.
ULessing owahlala eZimbabwe kusukela ngomnyaka ka1924 kusiya umyaka ka1949, wavalelwa nguhulumende wabamhlophe ukuthi ahlale kweleZimbabwe esechothoze inkethabatshabi eyayikhonzwa ngabamhlophe.
Wavunyelwa ukubuyela kweleZimbabwe sokubusa abensundu. Waye ngomunye wabasungula inhlelo zokupha uzulu amabhuku olweAfrica Book Development Organization le Africa Community Publishing and Development Trust.
Inhlelo lezi zihlose ukuthi abantu abanengi bathole amabhuku njengoba eleZimbabwe lithwele nzima ngokuthenga amabhuku ezikolo njalo lezeziphala zamabhuku ama libraries.
Amabhuku aphiwe nguLessing azabe esetshenziswa nguzulu eseHarare City Library.
Umlobi olodumo, Umnu. Isaac Mpofu, utshele iStudio 7 ukuthi kuyabukeka okwenziwe nguLessing.