Abazancintisa kukhetho lwama by-elections oluzaqhutshwa ngoMbimbitho baqhubekela phambili ngemikhankaso yabo koBulawayo.
Abanye bathembisa ukulungisa izikolo, ukuthanyela ingcekeza edolobheni lakoBulawayo lokunye.
UNkosikazi Esnarth Khumalo, okubandla leRepublican Party of Zimbabwe, ofisa ukuba ngukhansila kaWard 12, usebhoda indawo ezitshiyeneyo ekhuluma lozulu ngazakwenza engavotelwa .
UNkosikazi Khumalo uthi kunengi okumele kulungiswe koBulawayo.
Ibandla leZapu lalo liyakhankasa endaweni ezitshiyeneyo. Obakhankasela ngamandla nguMnu. Mavuso Tshabalala.
Olandela ezombangazwe, uMnu. Nkululeko Gwabalanda Mathe, uthi balutshwana abaphikisayo ababonakala ebantwini.
Kudingwa abazamela iNkulumane lePumula edale lephalamende koBulawayo. Kulezinye indawo okuzavotelwa amakhansila.
