Inhlanganiso ezizimele zodwa zithe gwaqa koBulawayo lapho ezisemhlangagweni omkhulu wokuhluza okucatshangwa kwele Zimbabwe owe Ideas Festival oqoqwe yinhlanhlaniso kazulu eyeBulawayo Agenda.
Umnu. Mmeli Dube omele umqondisi wenhlanganiso le uthi kulenhlanganiso ezedlula amatshumi ayisithupha – 60 ezizadlana ingqondo ngokwenzakalayo elizweni okunjengo kwezombusazwe, ezomnotho, inhlalakahle kazulu kanye lesimo samalungelo oluntu.
UDube uthi kuzakwenziwa imihlangano emncane eminengi yenhlanganiso lezi ezitshiyeneyo kusukela lamuhla kuze kuyefika ngoMgqibelo.
Uthi okunye okuzakwenziwa yikutshengisa uzulu imifanekiso lokunye okwehlukeneyo okwenziwa zinhlanganiso lezi nsukuzonke.
Isihloko somhlangano lo we Ideas Festival lonyaka sithi: Transformative Ideas for a Better Society.
UDube utshele uGibbs Dube weStudio 7 ukuthi bakhangelele njalo ukukhuluma ngensolo kazulu yokuthi inhlanganiso ezizimele zodwa zidlelana lamabandla ombusazwe osokutshiye abantu abanengi bengakwazi abangakwenza.