Kulabanye abesifazane eZimbabwe abathi sokumele kwenziwe ikhefu labomama eleWomen’s Day elizweni.
Labo abacela ukuthi uhulumende abeke ilanga labesifazane bathi ilanga elilodwa elinanzwa mnyaka yonke emazweni wonke ele International Women’s Day kaliphelelanga nxa kungelakhefu labo labesifazane eZimbabwe.
Abafuna ilanga leli bathi abesifazane balakho ukukhangela okubahluphayo ngokujulileyo nxa kulelanga lokunanza abahlangana lakho empilweni. Amazwe anjenge South Africa, Zambia, Botswana leSychelles alamakhefu okunanza okubhekana labesifazane.
Ukuze sihlaziye udaba sixoxe loNkosikazi Sakhile Dube Nair odabuka eZhilo, esigabeni seMzingwane, esabelweni seMatabeleland South, loMnu. Thamu Jacob Maseko isizalwane seZimbabwe esihlala eJohannesburg, South Africa.
UMaDube uthi liyafuneka ilanga labesifazane njengalokho okwenzakala emazweni aseduzane leZimbabwe.
Kodwa-ke uMaseko umphikise esithi ilanga leInternaitonal Women’s Day liyanele ukuthi abasifazane bakhuluma ngababhekane lakho empilweni.
