WASHINGTON —
Abasakhulayo abedlula ikhulu abavela kumagumbi amane elizwe bebethe gwaqa koBulawayo ngoLwesine lapho abakade besemhlanganweni omkhulu wokuhlolisisa okungenziwa ukwenzela ukuthi bathuthukiswe ngokusebenzisa iziqondiso zesisekelo sombuso welizwe esitsha.
Umnu. Liberty Bhebhe wenhlanganiso yabasakhulayo eye National Youth Development Trust uthe umhlangano lo ubukhangelelwe ukuphuma lezinqumo ezizaguqula impilo yabasakhulayo.
UBhebhe uthe bahlolisisa njalo ukuthi abasakhulayo bengenzani ukuthi bancedise ukulungisisa imithetho eminengi okusamele ilungisiswe ukuze ihambelane lesisekelo sombuso welizwe esitsha.
Kulemithetho eyedlula amakhulu amabili lamatshumi amahlanu – 250 okumele iguqulwe ukuze ihambelane lesisekelo sombuso welizwe.
Umhlangano lo wenziwe phansi kwesihloko esithi ‘From Constitution Making to Building a Culture of Constitutionalism’.
Abethule imbiko emhlanganweni lo nguNkosazana Jessie Majome owayengumsekeli womphathintambo wezabomama kuhulumende womanyano, umqondisi weMedia Institute for Southern Africa uNhlanhla Ngwenya, uNkosikazi Grace Chirenje owenhlanganiso ye Zimbabwe Young Women’s Network for Peace kanye loMnu. Thabani Nyoni obemele inhlanganiso ye Zimbabwe Election Support Network.
Umnu. Liberty Bhebhe wenhlanganiso yabasakhulayo eye National Youth Development Trust uthe umhlangano lo ubukhangelelwe ukuphuma lezinqumo ezizaguqula impilo yabasakhulayo.
UBhebhe uthe bahlolisisa njalo ukuthi abasakhulayo bengenzani ukuthi bancedise ukulungisisa imithetho eminengi okusamele ilungisiswe ukuze ihambelane lesisekelo sombuso welizwe esitsha.
Kulemithetho eyedlula amakhulu amabili lamatshumi amahlanu – 250 okumele iguqulwe ukuze ihambelane lesisekelo sombuso welizwe.
Umhlangano lo wenziwe phansi kwesihloko esithi ‘From Constitution Making to Building a Culture of Constitutionalism’.
Abethule imbiko emhlanganweni lo nguNkosazana Jessie Majome owayengumsekeli womphathintambo wezabomama kuhulumende womanyano, umqondisi weMedia Institute for Southern Africa uNhlanhla Ngwenya, uNkosikazi Grace Chirenje owenhlanganiso ye Zimbabwe Young Women’s Network for Peace kanye loMnu. Thabani Nyoni obemele inhlanganiso ye Zimbabwe Election Support Network.