Kuhlelo lwamasiko lenhlalakahle yabantu, liviki sihlaziya inhlupho ezibhekane labantu asebeluphele eZimbabwe.
Izolo inengi labantu asebebadala kade bethola uncedo enkosini eyayilesiphala senkosi.
Kwakusaziwa ukuthi abantu abadala kabasela mandla okuziphandela ngakho-ke babedingelwa ukudla bagcinwe yisizwe baze batshiye umhlaba.
Okwamanje, bakhona abathola imadlana engafika phose amatshumi amahlanu amadollar eMelika - $50 ngenyanga kuhlangothi lukahulumende olukhangelane lenswelo zikazulu olweSocial Welfare.
Bonke abathola imali le bathi kayenelisi inswelo zabo njengoba ithenga ukudla okulutshwane.
Inengi labo badla inqgweqwe zomlomo besemaphandleni lasemadolobheni.
Ukuze sihlolisise udaba lolu, sixoxe loNkosikazi Concillia Mlalazi ukhansila welokitshi leMagwegwe loMnu. Stanford Nyoni isakhamuzi selokitshini lePumula South abathe bathwele nzima abantu abasebeluphele.
