WASHINGTON —
Umgcinisihlalo wenhlanganiso ebona ngokuqhutshwa kokhetho elizweni eye Zimbabwe Electoral Commission, uNkosikazi Rita Makarau ubikwa esithi amabandla ezombusazwe awazange azikhathaze ngokulungisa ingxaki ezazikugwalo lwe voters roll ngemva kokukhonona ngazo emhlanganweni lenhlanganiso yakhe.
UNkosikazi Makarau uthi ngemva kokukhweza izikhalazo zamabandla ezombusazwe ehofisini kaRegistrar General, amabandla-la awasaphendukanga ukuzohlolisisa ukuthi ingxaki ezazikhona zalungiswa yini.
Kodwa uMnu. Abednico Moyo, umsekeli kamqoqi wenhlelo zokhetho kucele leMDC elikhokhelwa nguMnu. Welshman Ncube utshele uSithandekile Mhlanga weStudio 7 ukuthi imihlangano eyaqoqwa yi ZEC yayingeyokuvala abantu amahlo ngoba izikhalazo zabo azizange zilalelwe.
Icele MDC elikhokhelwa nguMnu. Morgan Tsvangirai kanye lenhlanganiso ezizimeleyo zithi isizatho esimqoka esibangela ukuthi bengathembi impumela yokhetho yingxabangxoxa ekuvoters roll eyabangela ukuthi inengi labantu lehluleke ukuvota.
UNkosikazi Makarau uthi ngemva kokukhweza izikhalazo zamabandla ezombusazwe ehofisini kaRegistrar General, amabandla-la awasaphendukanga ukuzohlolisisa ukuthi ingxaki ezazikhona zalungiswa yini.
Kodwa uMnu. Abednico Moyo, umsekeli kamqoqi wenhlelo zokhetho kucele leMDC elikhokhelwa nguMnu. Welshman Ncube utshele uSithandekile Mhlanga weStudio 7 ukuthi imihlangano eyaqoqwa yi ZEC yayingeyokuvala abantu amahlo ngoba izikhalazo zabo azizange zilalelwe.
Icele MDC elikhokhelwa nguMnu. Morgan Tsvangirai kanye lenhlanganiso ezizimeleyo zithi isizatho esimqoka esibangela ukuthi bengathembi impumela yokhetho yingxabangxoxa ekuvoters roll eyabangela ukuthi inengi labantu lehluleke ukuvota.
