Ibandla LeZAPU Lithi Selimelele Ukhetho Oluzayo Ngabomvu

WASHINGTON —  Ibandla le ZAPU lithi lizaphathisa ngokupheleleyo kukhetho oluzayo lokudinga umongameli, amalunga edale le senate lelephalamande kanye lamakhansila ezabelo njalo lilosekelo olunengi ezigabeni zonke zelizwe.

Umongameli Robert Mugabe useveze ukuthi ukhetho lulakho ukuqhutshwa ekuqaleni komnyaka ozayo ngoMbimbitho njalo amabandla ezombusazwe atshiyeneyo aseveze ukuthi alumelele ngabomvu lolukhetho.

UMnu. Mark Mbaiwa isikhulumi salelibandla utshele uSithandekile Mhlanga weStudio 7 ukuthi akusiqiniso ukuthi kulokulwisana phakathi kwalelibandla njengalokhu okubonakala embikweni ephuma kumaphephandaba.