WASHINGTON —
Ibandla le ZANU PF seligcizelele ukuthi lizasebenza gadalala ukuqeda uhlupho lokuswelakala kwemisebeni, ukuvalwa kwamankampani, lokunye okuhluphayo ezigabeni zeMatabeleland ledolobheni lakoBulawayo, kulandela umhlangano oqhutshwe ngoMgqibelo odluleyo edolobheni lakoBulawayo ngabaphathintambo bakahulumende abengatsha ezitshiyeneyo.
Abakhulume kulumhlangano bagoqela obona ngokwenzakala ehofisini kamomgameli welizwe, uMnu. Simon Khaya Moyo, abaphathintambo ababona ngenhlelo zomhlabathi, imota zokuhambisa, amanzi, okwenzakala elizweni, ezemidlalo, kanye lamabhizimusi amancinyane. Labo ngokulandelana kwabo ngoMnu. Simon Khaya Moyo, Dougals Mombeshora, Obert Mpofu, Savious Kasukuwere, Kembo Mohadi, Andrew Langa, loNkosikazi Sithembiso Nyoni.
Abanye abakhulume kulumhlangano bekuyiziphathamandla zebandla le ZANU PF kanye labasekeli balelibandla.
Isiphathamandla salelibandla uMnu. Joseph Tshuma, owancintisa kukhetho olwedluleyo olokudinga ozamela iPhelandaba-Mpophoma edale lephalamende, utshele uSithandekile Mhlanga weStudio 7 ukuthi kunengi okuhlafunwe kulumbuthano,njalo uMnu. Obert Mpofu uthe uzavuselela inkampani ye National Railways of Zimbabwe umnyaka ungakedluli.
Abakhulume kulumhlangano bagoqela obona ngokwenzakala ehofisini kamomgameli welizwe, uMnu. Simon Khaya Moyo, abaphathintambo ababona ngenhlelo zomhlabathi, imota zokuhambisa, amanzi, okwenzakala elizweni, ezemidlalo, kanye lamabhizimusi amancinyane. Labo ngokulandelana kwabo ngoMnu. Simon Khaya Moyo, Dougals Mombeshora, Obert Mpofu, Savious Kasukuwere, Kembo Mohadi, Andrew Langa, loNkosikazi Sithembiso Nyoni.
Abanye abakhulume kulumhlangano bekuyiziphathamandla zebandla le ZANU PF kanye labasekeli balelibandla.
Isiphathamandla salelibandla uMnu. Joseph Tshuma, owancintisa kukhetho olwedluleyo olokudinga ozamela iPhelandaba-Mpophoma edale lephalamende, utshele uSithandekile Mhlanga weStudio 7 ukuthi kunengi okuhlafunwe kulumbuthano,njalo uMnu. Obert Mpofu uthe uzavuselela inkampani ye National Railways of Zimbabwe umnyaka ungakedluli.
