WASHINGTON —
Amalunga ebandla leZANU PF avela ezigabeni ezitshiyeneyo zelizwe abikwa abeseqalisile ukufika eGweru ngoMvulo lapho okuzaqhutshwa khona umhlangano omkhulu owe 13th Annual National Peoples’ Conference walelibandla okhangelelwe ukuqalisa ngoLwesibili usiyaphela ngempelansonto.
Lumhlangano ukhangelelwe ukuhlaziya udaba lwesisekelo sombuso esitsha, umnotho welizwe, kanye lamalungiselelo okhetho oluzayo.
Izigaba zonke zelizwe zibikwa sezavumelana ukuthi umkhokheli walelibandla uMnu.Robert Mugabe nguye ozancintisa kukhetho lokudinga umongameli oluzayo emele lelibandla.
Isikhulumi salelibandla uMnu. Rugare Gumbo uthi indawo ye Conference Centre yeZANU PF eyakhiwayo isisemaphethelweni njalo izasetshenziswa ngolweSihlanu sokuvulwa umhlangano lo ngokusemthethweni. Ungezelele wathi banxuse iziphathamandla zamabandla atshiyeneyo awezwekazi leAfrica.
Kusenjalo, uNkosikazi Sisa Moyo, isiphathamandla secele leMDC elikhokhelwa nguMnu. Morgan Tsvangirai utshele uSithandekile Mhlanga weStudio ukuthi akukabi lokuhlukuluzwa kwezakhamizi kulumango njengalokhu okuvame ukwenzakale kwezinye izigaba zelizwe nxa ibandla le ZANU PF lilungiselela imihlangano enjengale.
Lumhlangano ukhangelelwe ukuhlaziya udaba lwesisekelo sombuso esitsha, umnotho welizwe, kanye lamalungiselelo okhetho oluzayo.
Izigaba zonke zelizwe zibikwa sezavumelana ukuthi umkhokheli walelibandla uMnu.Robert Mugabe nguye ozancintisa kukhetho lokudinga umongameli oluzayo emele lelibandla.
Isikhulumi salelibandla uMnu. Rugare Gumbo uthi indawo ye Conference Centre yeZANU PF eyakhiwayo isisemaphethelweni njalo izasetshenziswa ngolweSihlanu sokuvulwa umhlangano lo ngokusemthethweni. Ungezelele wathi banxuse iziphathamandla zamabandla atshiyeneyo awezwekazi leAfrica.
Kusenjalo, uNkosikazi Sisa Moyo, isiphathamandla secele leMDC elikhokhelwa nguMnu. Morgan Tsvangirai utshele uSithandekile Mhlanga weStudio ukuthi akukabi lokuhlukuluzwa kwezakhamizi kulumango njengalokhu okuvame ukwenzakale kwezinye izigaba zelizwe nxa ibandla le ZANU PF lilungiselela imihlangano enjengale.
