JOHANNESBURG —
Kuhlandla lethu le Woza Friday liviki uBenedict Nhlapho ulinqunsela ingoma zomculi kaMaskandi omutsha Umfana kaMasumbika yena obumbe iqembu lakhe lonyaka wahle wethula idlalade lakhe lakuqala elithi "Usathane".
Loke ngu Alex Masumbika Ncube leqembu lakhe alibiza u"Mfana kaMasumbika". Lobanje leli qembu libizwa ngesitemo sakhe akayedwake umfana kaNcube kodwa uphelekezelwa ngezinye izinsizwa ezinhlanu. Yenake uthi ithalenta lakhe lokucula lihle lavela esasemcinyane kantike wayekhuthele kakhulu kwezokucula.
U-Alex yena uchaza ukuthi kungani ekhethe ukucula umculo kaMaskandi okungumculo womdabu ngesikhathi lapho ezesimanjemanje kuyithaphutshiye indawana yonke, esithi ukhuliswe ngesintu sahle samngena.
Uthike nxa ulalela ingoma zakhe kusobala ukuthi zijiyisiwe zaba lohlonzi kantike leziginci zakhona zivuthiwe impela
Idlalade labo leli lilengoma ezilitshumi kugoqela ulonyaka, Insingizi, Uyadelela, Zazinhlintombi, eTsholotsho lezinye.
Njengobanje uSatane kuyinto embi engathandwa muntu bekuthenike Abafana bakaMasumbika baze bakhethe ukucula ngaye bese besitha idlalade labo igama elibi kangaka. Uthike kangconywa kuleli dlalade usatane kodwa uyachothozwa.
Zinengike izanhluphe lezangikhathaze ezihlangane lo Alex ngesikhathi esakha leli qembu. Uthi kwesinye isikhathi ubebalekelwa ngabaculi bethi njengoba enguhwayibhetshu uzayithathaphi imali yokucindezela idlalade.
Kodwa yena uthi ngaphezu kokuthi idlalade uselalo, usephinde njalo waba lephupho elikhulu ngekusasa lakhe.
U Alex yena uthi kuleli dlalade, uzafundiswa, ukhuthazwe, ulimukiswe uphinde ujatshuliswe. Uthike ukuze akhithize elesibili lamanye uludinga kakhulu uxhaso lwakho.
Loke ngu Alex Masumbika Ncube leqembu lakhe alibiza u"Mfana kaMasumbika". Lobanje leli qembu libizwa ngesitemo sakhe akayedwake umfana kaNcube kodwa uphelekezelwa ngezinye izinsizwa ezinhlanu. Yenake uthi ithalenta lakhe lokucula lihle lavela esasemcinyane kantike wayekhuthele kakhulu kwezokucula.
U-Alex yena uchaza ukuthi kungani ekhethe ukucula umculo kaMaskandi okungumculo womdabu ngesikhathi lapho ezesimanjemanje kuyithaphutshiye indawana yonke, esithi ukhuliswe ngesintu sahle samngena.
Uthike nxa ulalela ingoma zakhe kusobala ukuthi zijiyisiwe zaba lohlonzi kantike leziginci zakhona zivuthiwe impela
Idlalade labo leli lilengoma ezilitshumi kugoqela ulonyaka, Insingizi, Uyadelela, Zazinhlintombi, eTsholotsho lezinye.
Njengobanje uSatane kuyinto embi engathandwa muntu bekuthenike Abafana bakaMasumbika baze bakhethe ukucula ngaye bese besitha idlalade labo igama elibi kangaka. Uthike kangconywa kuleli dlalade usatane kodwa uyachothozwa.
Zinengike izanhluphe lezangikhathaze ezihlangane lo Alex ngesikhathi esakha leli qembu. Uthi kwesinye isikhathi ubebalekelwa ngabaculi bethi njengoba enguhwayibhetshu uzayithathaphi imali yokucindezela idlalade.
Kodwa yena uthi ngaphezu kokuthi idlalade uselalo, usephinde njalo waba lephupho elikhulu ngekusasa lakhe.
U Alex yena uthi kuleli dlalade, uzafundiswa, ukhuthazwe, ulimukiswe uphinde ujatshuliswe. Uthike ukuze akhithize elesibili lamanye uludinga kakhulu uxhaso lwakho.
