Kuliviki kuhlelo lwe Woza Friday silethulela ingxoxo intathelizindaba yeStudio Seven uJoseph Njanji ayenze lomculi wengoma zomdumo wokholo uQuiet Ncube yena olilunga leqembu elizibiza ngokuthi The Nation Gospel elicula lise South Africa.
Ingoma evule uhlelo lwaliviki lweWoza Friday ngethiwa Kwalelidwala yona etholakala kudlalade elisanda kuphekwa liqembu le The Nation Gospel elithiwa "Our Testimony".
Umkhokheli waleliqembu uQuiet Ncube, oleminyaka yokuzalwa engamatshumi amane lanhlanu, uthi lelidlalade liyibufakazi bezibusiso abazithole ngemva kokwenelisa ukuhlala bebambene bengamalunga aleliqembu.
Lelidlalade lilengoma ezilitshumi lantathu eziculwe ngendimi ezigoqela iSiNdebele, iSiSotho, iSiShona Kanye leSiNgisi njalo lezi ngezithi Eliya, Wethembekile, Totenda, Bhekani, Hlabelela, Vangeri, Ngiph’ ukukhanya, Asikho, He leads me, Malidunyiswe, TotendakanyelaleethiNgiphakamisela.
Amanye amalunga eqembu le The Nation Gospel ngathi uVusumuzi Simon Dube, uTshiamo oyisizalwane se South Africa, Kanye lamadodakazi amabili kababa uChristopher Mazibuko, ongumculi wezokholo odabuka eZimbabwe kodwa ecula ese South Africa, uNqobile lo Mabusi.
UNcube uthi njengeqembu le The Nation Gospel balamadlalade alitshumi lambili alandelwa yileli abasanda kulipheka njalo baqale ukuncindezela ngomnyaka ka 1999 lapho abakhiphe khona idlalade elithiwa Mbulali Wenyama kodwa ukuphumelela bekunzima ngoba amathuba bebengawatholi kungoba bengasizo zizalwane ze South Africa.
Nansi eyinye yengoma zeqembu le The Nation Gospel ethi "Hlabelela".
Idlalade leli elithiwa "Our Testimony" likhangelelwe ukwethulwa kuzulu i official launch esikhathini esilandelayo edolobhenil ako Bulawayo.