KuWoza Friday liviki silomculi wengoma zomdumo wokholo lwesiKristu, uMonica Ndlovu. Lintokazi yethule indlikizane yedlalade elithi Mount Calvary. UBenedict Nhlapho uvula loludaba ngehubo likaMonica labanye bakhe eliphothululwe okomcaba wamasi ezankefu.
La ngamaphimbo amnandi entokazi esakhulayo uMonica Ndlovu ehamba loNkosinomusa Ngwenya ndawonye lo Malvin Mlilo. Kuleli dlalade labo elistha elihlaba umxhwele bathi Mount Calvary, entabeni yeCalvary.
UMonica uthi ngemva kweminyaka emithathunje iqembu lakhe libunjiwe, babongumvelingqangi ngezimanga asebenzele zona.
UNkosinomusa Ngwenya ocula i-Alto kuleli qembu uthi indlikizane yedlalade leli iphume ngemva kokusebenza gadalala.
Zethula amazwi aqatha zonke zolitshumi ingoma eziqukethwe yileli dlalade. Kukhona uThula Moya wami, kube lo Ongenzele khona, Ngizokudumisa layo ethi Mount Calvary.
