Kuhlelo lweWoza Friday kuliviki silensizwa ehlabela ezokholo uFidas Sibanda oseyethule idlalade lakhe lesihlanu ehamba leqembu lakhe leOfakazi Gospel Group.
Lelidlalade lilesihloko esithi Izinyembezi. USibanda udabuka empandeni njalo uthi ungene kumculo weGospel ngoba ekhululele ecaweni.
Idlalade lakhe liphekwe lavuthwa njalo enye yengoma ezitshisayo ngethi Dilizani.
Amadlalade kaSibanda abalisa elakuqala elithi Sihamba noJesu, elesibili lithi uJesu Uyeza, elesithathu; Ziyeza Insuku, elesine lithi Abangcwele kuzothi leli elesihlanu uIzinyembezi.
Njengabahlabeleli abanengi, uSibanda ukhala nge-piracy njalo ukhuthaza abalandeli ukuthi bathenge amadlalade akhe eqiniso hatshi abazwa yizigilamkhuba.
USibanda usebenza kakhulu lomhlabeleli wezokholo uSibanjana Junior njalo ngempelaviki bazakwenza ama khonsathi okudinga imali yokwakha icreche lekiliniki koMbimba.
