JOHANNESBURG —
Umculi omutsha uSiphiwe Sibanda usethule idlalade elilengoma eziyisithupha elithi "Ngihambile". Lintombazana edabuka eSilobela, eMidlands itshele uBenedict Nhlapho ukuthi kukhulu efuna ukukwenza kwezomculo.
USiphiwe Sibanda, ngumculi osakhulayo okhethe ukuvela ngedlalade elithi "Ngihambile". Kwenye yengoma zakhe ezikuleli dlalade uthi ungaqali ukwehlisa inyembezi phambi kwezitha zakho ngoba lokhu kuzipha intokozo.
Lintombazana eleminyaka engamatshumi amabili lanhlanu idabuka eNtobe, Esilobela esabelweni seMidlands. Uthi evele esakhula wahle wangenwa ngumkhuba wokubhala izingoma okuyinto aqhubeka eyenza waze waya eGoli ngo 2007.
Ngemva kwemizano eminengi yokungena kwezomculo, uSiphiwe uthi ngo 2013 EDiepsloot Egoli, wahlangana lomculi weZimbabwe uDJ MaPressa owenkampani yokucindezela ezemiculo eye Black Dash Studio okuyiyo emcedise ukupheka lokwethula idlalade lakhe lakuqala elithi "Ngihambile".
Lelidlalade elethulwe nguSiphiwe ocula esenguPhiwe Jamela leSiyashesha Girls, lilengoma eziyisithupha okuhlanganisa ezokholo lempilo kazulu ziculwa ngomdumo weHouse.
Engomeni yesithupha ethi Sandleni, uPhiwe ulonda udaba lwempilo yakhe lapho athi njengentandane bekumnyama emuva laphambili kodwa uyathokoza njengoba sekugcwaliseke iphupho lakhe lokuba ngumculi. Upha uMvelingqangi isibongo esikhulu esithi makhulu amaphupho alawo kwezomculo.
Ingoma ezikulelei dlalade zibalisa ethi Thelumoya, Phendukani, Ungakhali lezinye. Yenake uzicelela uxhaso olukhulu kulabo abathanda umculo wakhe.
Uthike ziyehla inyembezi nxa ecabanga indlela akhule ehlupheka ngayo lebanga asekulo khathesi. Loludaba uluveza lucace engomeni yakhe ethi Ngihambile kukanti uthi bonke abadinga ukumxhasa thintanani laye kufacebook egameni elithi Phiwe Jamela.
USiphiwe Sibanda, ngumculi osakhulayo okhethe ukuvela ngedlalade elithi "Ngihambile". Kwenye yengoma zakhe ezikuleli dlalade uthi ungaqali ukwehlisa inyembezi phambi kwezitha zakho ngoba lokhu kuzipha intokozo.
Lintombazana eleminyaka engamatshumi amabili lanhlanu idabuka eNtobe, Esilobela esabelweni seMidlands. Uthi evele esakhula wahle wangenwa ngumkhuba wokubhala izingoma okuyinto aqhubeka eyenza waze waya eGoli ngo 2007.
Ngemva kwemizano eminengi yokungena kwezomculo, uSiphiwe uthi ngo 2013 EDiepsloot Egoli, wahlangana lomculi weZimbabwe uDJ MaPressa owenkampani yokucindezela ezemiculo eye Black Dash Studio okuyiyo emcedise ukupheka lokwethula idlalade lakhe lakuqala elithi "Ngihambile".
Lelidlalade elethulwe nguSiphiwe ocula esenguPhiwe Jamela leSiyashesha Girls, lilengoma eziyisithupha okuhlanganisa ezokholo lempilo kazulu ziculwa ngomdumo weHouse.
Engomeni yesithupha ethi Sandleni, uPhiwe ulonda udaba lwempilo yakhe lapho athi njengentandane bekumnyama emuva laphambili kodwa uyathokoza njengoba sekugcwaliseke iphupho lakhe lokuba ngumculi. Upha uMvelingqangi isibongo esikhulu esithi makhulu amaphupho alawo kwezomculo.
Ingoma ezikulelei dlalade zibalisa ethi Thelumoya, Phendukani, Ungakhali lezinye. Yenake uzicelela uxhaso olukhulu kulabo abathanda umculo wakhe.
Uthike ziyehla inyembezi nxa ecabanga indlela akhule ehlupheka ngayo lebanga asekulo khathesi. Loludaba uluveza lucace engomeni yakhe ethi Ngihambile kukanti uthi bonke abadinga ukumxhasa thintanani laye kufacebook egameni elithi Phiwe Jamela.
