JOHANNESBURG —
KuWoza Friday liviki uBenedict Nhlapho uxoxa lo Sinikiwe Luphahla intombazana yaseLupane esihwatshe idlalade layo lakuqala njalo elitsha elithi “Sthandwa sami”. Luntombazana uthi uthando yilo olusenzikini yomculo wakhe.
Wawunganani ngaleyo minyaka, intsha isithi ntambama zonke ibuthane konakazibani, besekufoliswa amaqhathanzipho, kuthiwe abafana bazikhethele ngapha, kusitsha iculo elithi "Bahlanyelwe, Bagcwele, Yinyama Yembongolo Khetha Omthandayo".
Yiyoke indlela intombazaba yase Plumtree eManguba, uSinikiwe Luphahla akhethe ukuziveza ngayo ngokwakuqala emculweni.
USinikiwe othwetshulwe yingwe ngo 1985, uthi kudala ithalenta lakhe elivundeke emqubeni njengoba laqala ukuvela esafunda eManguba Primary School.
Kudlalade lakhe lakuqala njengomculi osezimele uSinikiwe ocula esengu Nikie uthi Sthandwa sami. Uthi lelidlalade yisikhalo sowesifazana ozonde waganunwabu ngokubanjiswa ilitshe lijaha lakhe.
Kudlalade lakhe leli alicula encedisana lo Noma Mlauzi, kulengoma eziyisithupha. Eyakuqala ithi Sthandwa sami, kuze ethi Mamazala, kuze uSimuthethe kube ngukhethomthandayo. Zonke lezi zikhuluma ngothando.
Kweyesithathu ukhethe ukuxwayisa omalukazana abafika ekhaya umuntu ancintisane loninazala sengathi bendele ndoda yinye. Uthike umthande unyokozala ukhumbula ukuthi kungayisuye kaluba ulokhu ungelandoda.
USinikiwe uthi nxa ekhumbula ukuthi idlalade lakhe leli aselihwatshile ngumsebenzi wetalenta elaqala esafinyela esihlathini, ufikelwa yintokozo emangalisayo.
Uthi makhulu amaphupho alawo ngomculo wakhe. Okwakuqala ufisa ukutshada akhe umuzi omkhulu. Kwezokucula uthi ufisa ukwaziwa iZimbabwe yonke lakwamanye amazwe. Uthi into emthokozisayo yikuthi njengomuntu okhule eyintandane, ubonga ukuthi emculweni usethole abamthandayo, abazwelana laye labamelulekayo.
USinikiwe uthi yena njengomuntu othanda umculo kaBhiyatha Mangethe, ufisa ukuthi aqhubele phambili lapho okwatshiyela khona umuyi. Uthi uxhaso lwakho yiyo kuphela into ezakwenza agcwalise iphupho lakhe leli.
UphumEke enkundleni ngayole ethi "Kambe sithandwa sami uzungiphoxe kangaka ngemva kokungithembisa izulu lomhlaba, kambe ungenwe yini".
Wawunganani ngaleyo minyaka, intsha isithi ntambama zonke ibuthane konakazibani, besekufoliswa amaqhathanzipho, kuthiwe abafana bazikhethele ngapha, kusitsha iculo elithi "Bahlanyelwe, Bagcwele, Yinyama Yembongolo Khetha Omthandayo".
Yiyoke indlela intombazaba yase Plumtree eManguba, uSinikiwe Luphahla akhethe ukuziveza ngayo ngokwakuqala emculweni.
USinikiwe othwetshulwe yingwe ngo 1985, uthi kudala ithalenta lakhe elivundeke emqubeni njengoba laqala ukuvela esafunda eManguba Primary School.
Kudlalade lakhe lakuqala njengomculi osezimele uSinikiwe ocula esengu Nikie uthi Sthandwa sami. Uthi lelidlalade yisikhalo sowesifazana ozonde waganunwabu ngokubanjiswa ilitshe lijaha lakhe.
Kudlalade lakhe leli alicula encedisana lo Noma Mlauzi, kulengoma eziyisithupha. Eyakuqala ithi Sthandwa sami, kuze ethi Mamazala, kuze uSimuthethe kube ngukhethomthandayo. Zonke lezi zikhuluma ngothando.
Kweyesithathu ukhethe ukuxwayisa omalukazana abafika ekhaya umuntu ancintisane loninazala sengathi bendele ndoda yinye. Uthike umthande unyokozala ukhumbula ukuthi kungayisuye kaluba ulokhu ungelandoda.
USinikiwe uthi nxa ekhumbula ukuthi idlalade lakhe leli aselihwatshile ngumsebenzi wetalenta elaqala esafinyela esihlathini, ufikelwa yintokozo emangalisayo.
Uthi makhulu amaphupho alawo ngomculo wakhe. Okwakuqala ufisa ukutshada akhe umuzi omkhulu. Kwezokucula uthi ufisa ukwaziwa iZimbabwe yonke lakwamanye amazwe. Uthi into emthokozisayo yikuthi njengomuntu okhule eyintandane, ubonga ukuthi emculweni usethole abamthandayo, abazwelana laye labamelulekayo.
USinikiwe uthi yena njengomuntu othanda umculo kaBhiyatha Mangethe, ufisa ukuthi aqhubele phambili lapho okwatshiyela khona umuyi. Uthi uxhaso lwakho yiyo kuphela into ezakwenza agcwalise iphupho lakhe leli.
UphumEke enkundleni ngayole ethi "Kambe sithandwa sami uzungiphoxe kangaka ngemva kokungithembisa izulu lomhlaba, kambe ungenwe yini".
