BULAWAYO —
KuWoza Friday kulimpelaviki intathelizindaba yethu uJoseph Njanji usethulela ingxoxo ayenze lomculi wengoma zokholo uAbigail Mwembe.
UAbigail Mwembe ungene kwezomculo ngomnyaka ka 2001 kodwa uze wacindezela idlalade lakhe lakuqala ngomnyaka ka 2005.Idlalade leli waletha igama elithiwa Makabongwe njalo belilengoma eziyithoba minwe mbili azicule ngendimi ezithi isiNdebele, isiShona kanye lesilungu.
UMwembe oyisizalwane seBinga, uthi kulezinsuku uphakathi kwemizamo eyokukhulisa ulimi lwakibo olwesiTonga ngokucula esebenzisa lolulimi kungoma zakhe.
Ensukwini ezisanda kwedlula uMwembe ubambane labanye abesifazane abacula ingoma ezokholo besedolobheni lakoBulawayo baqoqa umcimbi obujonge ukutshengisa uzulu amathalenta. Lumculi uthi lumkhosi wamukelwe kuhle kakhulu ngabalandeli bomculo wezokholo njalo isifiso sabo ngesokuba uhlale usenziwa minyaka yonke.
Ekuqaleni komnyaka ozayo uMwembe uthi ulenhlelo zokuncindezela i DVD ehlabela esesitikini njalo leli DVD lizakuba yisipho sakhe kusapho lwakibo olwesiTongeni.
Kusenjalo uMwembe uthi uphakathi kokuncidezela ingoma ayicule ngesiTonga ethiwa Muya Usalala okutsho ukuthi Umoya ongcwele ngesiNdebele yona afuna ukuyiphakela abantu bakubo njengesipho seKhisimusi.
Uphuma enkundleni ngengoma yakhe ayicule ngolimi lwesiTonga ethiwa "Tata Leza" khona athi kutsho ukuba uNkulunkulu umkhulu.
UAbigail Mwembe ungene kwezomculo ngomnyaka ka 2001 kodwa uze wacindezela idlalade lakhe lakuqala ngomnyaka ka 2005.Idlalade leli waletha igama elithiwa Makabongwe njalo belilengoma eziyithoba minwe mbili azicule ngendimi ezithi isiNdebele, isiShona kanye lesilungu.
UMwembe oyisizalwane seBinga, uthi kulezinsuku uphakathi kwemizamo eyokukhulisa ulimi lwakibo olwesiTonga ngokucula esebenzisa lolulimi kungoma zakhe.
Ensukwini ezisanda kwedlula uMwembe ubambane labanye abesifazane abacula ingoma ezokholo besedolobheni lakoBulawayo baqoqa umcimbi obujonge ukutshengisa uzulu amathalenta. Lumculi uthi lumkhosi wamukelwe kuhle kakhulu ngabalandeli bomculo wezokholo njalo isifiso sabo ngesokuba uhlale usenziwa minyaka yonke.
Ekuqaleni komnyaka ozayo uMwembe uthi ulenhlelo zokuncindezela i DVD ehlabela esesitikini njalo leli DVD lizakuba yisipho sakhe kusapho lwakibo olwesiTongeni.
Kusenjalo uMwembe uthi uphakathi kokuncidezela ingoma ayicule ngesiTonga ethiwa Muya Usalala okutsho ukuthi Umoya ongcwele ngesiNdebele yona afuna ukuyiphakela abantu bakubo njengesipho seKhisimusi.
Uphuma enkundleni ngengoma yakhe ayicule ngolimi lwesiTonga ethiwa "Tata Leza" khona athi kutsho ukuba uNkulunkulu umkhulu.
