Kuhlelo Woza Friday liviki silomculi wengoma zomdumo owe Hip Hop uSizalobuhle Nkomo odume ngegama lokuthi MsizKay yena ecula ekoBulawayo.
Usedume okwamagama koNtuthuziyathunqa uMsizKay ngomculo wakhe awubiza Woo Haa.
“Ibizo lami lokuhlabela nguMsizikay elilibizo engaliphiwa ngabangani bami esakhula sonke ekukhuleni kwami laphe engakhulela khona eMagwegwe. Ngikhula ngafunda eMthimhukhulu Primary School eseMagwegwe West lapha engihlala khona. Ngasengisiyafunda eSecondary School yami eSizane High School,ngasuka lapho ngaaedisela ke eSt Bernards High School. Emveni kwalokho ngasengisiya eSouth Africa ukuyayenza iDegree lami yikho lapho engenzela khona iDegree lami."
Ukungatholakali kwemisebenzi eZimbabwe kwenza uMsizKay angene kwezomculo
“Ezomculo zona ngaziqalisa ngomnyaka ka 2010 laphengarekhoda khona ingoma yam yokuqala ebizwa ngokuthiwa Rekhoguntishini emveni sengihlangene lomunye umfowethu ongu Producer okwakuthiwa ngu Vayirasi onguye owangiprojusela ingoma yakuqala, ngasengihamba ke ngayarekhoda estudiyo okwakuthiwa yoRoyal Sounds losound enjiniya okuthiwa nguVusa. Ngilama Album amabili uBazovuma engalikhipha ngo 2017 ngoNovember. Elesibili nguBayatshiselwa ephume lonyaka nje 2019 kunyanga le edlulileyo uApril.
OkaNkomo uke wasebenza labanye bepheka umculo kodwa okwamanje usezimele yedwa.
“Ngo 2014 ke yikho lapha engathatha khona isinqumo sokuzenzela ezami ingoma ngasebanza ke lapho kakhulu lobhudi uJoe Maseko lo osewedlulayo onguye owangincedisa ukuba ngikhule ngibe ngumhlabeleli lo enginguye namhlanje. Abantu umculo wami bawamkela kahle kakhulu sibili ngibona lento kungenxa yokuthi lomculo engiwenzayo uhlanganisa leyi iHiphophu lomculo wakithi lo oweAfrika owakithi owethu thina singabantu.
Mlayezo bani ongawutshiyela abalaleli bomsakazo we Studio 7 mfana kaNkomo?
“Ngicela kuphela ukuba bengisekele bewuthenge lomculo njalo bebuye emadilini bezosibona sibaphakulela ukudla kwamehlo "Perfoming" ngesingisi .Umculo wami uyatholakala ebulenji,kuintanethi ,ukhona kubo Itunes, Spotify, Amazon,Youtube,Tidal kanye leApple music. KuSocial media mina ngingu Msizkay kuFacebook ngibenjalo ngu Msizkay kuInstagram Miszkay njalo kuTwitter.
Uyahlakaza, uthinta ngaphakathi yiwo phela umdumo we Woo Haaa oka Msiz'kay, uSizalobuhle Nkomo phela, okunguye ebesilaye kuhlelo Woza Friday.
