JOHANNESBURG —
Kuhlelo lwethu lwamasiko lokuzithokozisa olwe Woza Friday liviki sikhuluma lomculi uDJ D2X oseyethule ingoma evutha bhe ethi “Batai Munhu”, lapho akhwela ezehlela phezu kwalabo asebebhidlize eleZimbabwe ngempilo yobuqili lobusela.
UD2X ozelwe enguDarlington Sibanda uthi lingoma ithandeka njengamakukisi elizweni kanye laphetsheya. UBenedict Nhlapho uxoxe loD2X eJohannesburg
Yinsizwa ende ngabomo, ebuye ibemhlotshana kantike lethambo layo lincane imbala. Lobakunjalo okuphuma kulo umculi womdumo we House kungange ntaba.
Engomeni yakhe ethi “Batai Munhu”, kusitsho ukuthi “Bambani Umuntu”, umculi weZimbabwe uDarlington Sibanda, uthi uzwa ubuhlungu nxa ebona ubusela, ubuqili lobugebenga obenziwa yilabo abasezikhundleni kwezamabhizimusi lezombusazwe eZimbabwe. Uthi ingoma yakhe ithi bonke labo asebeguqise ilizwe ngobusela, izisebenzi zize ziswele imali yomholo kufanele bayephika ejele. Uthi ingoma yakhele ayethule kuwonalo umnyaka wayifaka ebulenjini be internet sebezitika ngayo abanengi eAfrica laphetsheya kolwandle.
Linsizwa ezelwe eHwange ngo 1989, yacina isiseGoli ithi kayitholi ngitsho indibilitshi kule ingoma kodwa yingoma yamahala ayisebenzisa ekulweni lenkohlakalo esibhidlize ilizwe.
UD2X uthi okwamanje usekhulumisane le TMG Records eseHarare bavumelana ukuthi linkampani yezemiculo izayimemethekisa iZimbabwe yonke lingoma.
Linsizwa kayisafinyeli ezihlathini kwezomculu. Uqale ukucula kudala ngo 2003. Ingoma esezisegameni lakhe zibalisa uJackpot, Shonaphansi, We are taking over lezinye.
Okwamanje uthi uphakathi kokupheka idlalade lakhe lakuqala eligcweleyo, ethi lizakuthi nxa lisethulwa ekupheleni komnyaka lidle ubhedu.
UD2X umomotheka izihlathi zisekelane lendlebe nxa ekhuluma ngekusasa lakhe. Uthi ufuna ukuba ngumculi odumileyo njalo olusizo kakhulu kubaculi abasacathulayo. Ufuna ukwethula amavideo azadlalwa ngitsho laphetsheya.
Kubalandeli bakhe uthi uzangena emagcekeni lasemikotweni ehamba ebathokozisa zonke indawo abatholakala kuzo.
Okwamanjeke uthi kulabo abafuna le ekhuza amasela, ngena ebulenjini be internet ku soundcloud.com/d2xmusic/batai-munhu kumbe uye kukhasi lakhe le facebook egameni elithi Darlez Psybbz uzithike ngalobu bunandi.
UD2X ozelwe enguDarlington Sibanda uthi lingoma ithandeka njengamakukisi elizweni kanye laphetsheya. UBenedict Nhlapho uxoxe loD2X eJohannesburg
Yinsizwa ende ngabomo, ebuye ibemhlotshana kantike lethambo layo lincane imbala. Lobakunjalo okuphuma kulo umculi womdumo we House kungange ntaba.
Engomeni yakhe ethi “Batai Munhu”, kusitsho ukuthi “Bambani Umuntu”, umculi weZimbabwe uDarlington Sibanda, uthi uzwa ubuhlungu nxa ebona ubusela, ubuqili lobugebenga obenziwa yilabo abasezikhundleni kwezamabhizimusi lezombusazwe eZimbabwe. Uthi ingoma yakhe ithi bonke labo asebeguqise ilizwe ngobusela, izisebenzi zize ziswele imali yomholo kufanele bayephika ejele. Uthi ingoma yakhele ayethule kuwonalo umnyaka wayifaka ebulenjini be internet sebezitika ngayo abanengi eAfrica laphetsheya kolwandle.
Linsizwa ezelwe eHwange ngo 1989, yacina isiseGoli ithi kayitholi ngitsho indibilitshi kule ingoma kodwa yingoma yamahala ayisebenzisa ekulweni lenkohlakalo esibhidlize ilizwe.
UD2X uthi okwamanje usekhulumisane le TMG Records eseHarare bavumelana ukuthi linkampani yezemiculo izayimemethekisa iZimbabwe yonke lingoma.
Linsizwa kayisafinyeli ezihlathini kwezomculu. Uqale ukucula kudala ngo 2003. Ingoma esezisegameni lakhe zibalisa uJackpot, Shonaphansi, We are taking over lezinye.
Okwamanje uthi uphakathi kokupheka idlalade lakhe lakuqala eligcweleyo, ethi lizakuthi nxa lisethulwa ekupheleni komnyaka lidle ubhedu.
UD2X umomotheka izihlathi zisekelane lendlebe nxa ekhuluma ngekusasa lakhe. Uthi ufuna ukuba ngumculi odumileyo njalo olusizo kakhulu kubaculi abasacathulayo. Ufuna ukwethula amavideo azadlalwa ngitsho laphetsheya.
Kubalandeli bakhe uthi uzangena emagcekeni lasemikotweni ehamba ebathokozisa zonke indawo abatholakala kuzo.
Okwamanjeke uthi kulabo abafuna le ekhuza amasela, ngena ebulenjini be internet ku soundcloud.com/d2xmusic/batai-munhu kumbe uye kukhasi lakhe le facebook egameni elithi Darlez Psybbz uzithike ngalobu bunandi.
