JOHANNESBURG —
Omunye wabasunguli beqembu likamaskandi elaBafana BakaMzilikazi, uSbanesinamandla Dube, usebumbe elakhe iqembu ezimele yedwa alibiza Isbanesinamandla. Linsizwa esihle yethula idlalade layo elithi Niyoshelwa ngamazwi, itshele uBenedict Nhlapho ukuthi ukuzimela yodwa kutshengisa ukukhula kwezomculo hatshi ukuthi kuyaliwa.
USbanesinamandla Dube, insizwa edabuka koGombalume eTsholotsho, ngomunye wabasungula iqembu lomculo kamaskandi elaBafana BakaMzilikazi ngo 2012.
Kodwake linsizwa ithi ngemva kokufunda okunengi ngomculo kamaskandi ngokusebenza laleli qembu kanye lokuncedisana lamanye agoqela Obenzokuhle, ubone sekufanele ukuthi azimele yedwa ukuze ithalenta alalo alelule lize lifike ekugcineni.
USbanesinamandla ukubeka kucace ukuthi lobanje esezimele yedwa ubudlelwano bakhe leqembu laBafana BakaMzilikazi bulokhu bubutshelezi.
Linsizwa ithwetshulwe yingwe ngo 1990 koGombalume eTsholotsho yayafunda eGombalume Primary le Dlamini Secondary. EsaseZimbabwe wake waphatheka emculweni wembube engakezi eGoli ngo 2010.
EseseGolike wamanyana lenye insizwa yeZimbabwe uNkululeko Sibanda ngo 2010 bethula idlalade lomdumo wembaqanga uNgangitheni. Qede lapho waba ngomunye wabasungula iqembu laBafana BakaMzilikazi engakabumbi elakhe yedwa leli aselalo manje alibiza ISbanesinamandla.
Yenake usedle wavela ngedlalade elithi Niyoshelwa ngamazwi, esithi lizaqala likhuluma lize litshe amazwi, kodwa mina ngeke lingenze lutho.
Lelidlalade limumethe ingoma ezilitshumi lambili. Zonake zigoqela indoda etshela owangakwayo ukuthi ayikhumbule emini lebusuku, kuze le akhuza labo abangafuni ukubona abanye bephumelela, lenye lapho enza khona izithembiso kubalandeli bakhe.
USbanesinamandla uthi inhloso yakhe yikuthokozisa umuntu wonke ancedisane laloba ngubani ofuna ukungena kwezomculo.
Uthike indlela asethole ngayo uxhaso iyamthokozisa okwamagama.
Kuleli dlalade lakhe elitsha uthi akukho ongasoke ukuthole kantike lihlabusa kwabadala, abancane, obaba labomama. Uthi into emthokozisayo yindlela abemukelwa ngayo bona njengabaculi bakamaskandi abadabuka eZimbabwe.
Uphumake enkundleni ngale ethi Ngeyami lengoma ethembisa ukuthi yena njengomculi uzaqhubeka esenza ezinambithekayo, okuyinto athi ngeke ayithathelwe ngumuntu.
USbanesinamandla Dube, insizwa edabuka koGombalume eTsholotsho, ngomunye wabasungula iqembu lomculo kamaskandi elaBafana BakaMzilikazi ngo 2012.
Kodwake linsizwa ithi ngemva kokufunda okunengi ngomculo kamaskandi ngokusebenza laleli qembu kanye lokuncedisana lamanye agoqela Obenzokuhle, ubone sekufanele ukuthi azimele yedwa ukuze ithalenta alalo alelule lize lifike ekugcineni.
USbanesinamandla ukubeka kucace ukuthi lobanje esezimele yedwa ubudlelwano bakhe leqembu laBafana BakaMzilikazi bulokhu bubutshelezi.
Linsizwa ithwetshulwe yingwe ngo 1990 koGombalume eTsholotsho yayafunda eGombalume Primary le Dlamini Secondary. EsaseZimbabwe wake waphatheka emculweni wembube engakezi eGoli ngo 2010.
EseseGolike wamanyana lenye insizwa yeZimbabwe uNkululeko Sibanda ngo 2010 bethula idlalade lomdumo wembaqanga uNgangitheni. Qede lapho waba ngomunye wabasungula iqembu laBafana BakaMzilikazi engakabumbi elakhe yedwa leli aselalo manje alibiza ISbanesinamandla.
Yenake usedle wavela ngedlalade elithi Niyoshelwa ngamazwi, esithi lizaqala likhuluma lize litshe amazwi, kodwa mina ngeke lingenze lutho.
Lelidlalade limumethe ingoma ezilitshumi lambili. Zonake zigoqela indoda etshela owangakwayo ukuthi ayikhumbule emini lebusuku, kuze le akhuza labo abangafuni ukubona abanye bephumelela, lenye lapho enza khona izithembiso kubalandeli bakhe.
USbanesinamandla uthi inhloso yakhe yikuthokozisa umuntu wonke ancedisane laloba ngubani ofuna ukungena kwezomculo.
Uthike indlela asethole ngayo uxhaso iyamthokozisa okwamagama.
Kuleli dlalade lakhe elitsha uthi akukho ongasoke ukuthole kantike lihlabusa kwabadala, abancane, obaba labomama. Uthi into emthokozisayo yindlela abemukelwa ngayo bona njengabaculi bakamaskandi abadabuka eZimbabwe.
Uphumake enkundleni ngale ethi Ngeyami lengoma ethembisa ukuthi yena njengomculi uzaqhubeka esenza ezinambithekayo, okuyinto athi ngeke ayithathelwe ngumuntu.
