Kuliviki kuhlelo Woza Friday intathelizindaba yethu uJoseph Njanji usethulela ingxoxo ayenze lomculi wengoma ze Hip Hop uCal_Vin.
UCal_Vin ngumculi ophuma elokitshini lase Luveve koBulawayo osephakamise umdumo weHip Hop edolobheni lako Bulawayo kanye laselizweni le Zimbabwe jikelele.
Lumculi ungene kwezomculo ngomnyaka ka 1996 lapho athi ubebanjwa ngamandla ngumzawakhe uThulani.
Ukucindezela ingoma uqale ngomnyaka ka 2003 esebenza laye umzawakhe uThulani kwathi ngomnyaka ka 2004 wasungula istudio sakhe ngakibo esibizwa ngokuthi yiVolte Face Records waqala ukuziphekela owakhe umculo.
Lumculi usekhuphe amadlalade amane selokhu waqala ukucindezela njalo la ngagoqela elithiwa Volte Face Records compilation album alikhuphe ngomnyaka ka 2009.
Lelo dlalade lilandelwe ngamanye amathathu abalisa elithi Perfect Balance kanye lelithi Dat Luveve Boy, wona awakhiphe nyakenye.
Ekuqaleni kwalonyaka ukhiphe idlalade elithiwa Askies, lona elilandelwe ngelithiwa Year of the Vin, eliqukethe indlikizane zengoma ezigoqela ethiwa Z’khuphani yona ayicule endawonye lomculi olodumo odabuka kwele South Africa uCassper Nyovest .
Lonyaka uCal_Vin ukhethwe kunhlangothi eziyithoba minwe mbili kumncintiswano walonyaka owe Zim Hip Hop awards kanye lakuhlangothi olulodwa kumncintiswano owe Zimbabwe Music Awards.
Imisebenzi yakhe iyatholakala ebulenjini ku You Tube kanye laku website yakhe ebizwa www.cal-vin.com.
