WASHINGTON —
Amapholisa koBulawayo ngoLwesihlanu abophe okwesikhatshana amalunga enhlanganiso elwela amalungelo oluntu eye Women of Zimbabwe Arise-WOZA, ngemva kokufola esiya emahofisini eMhlahlandela ukuyakwethulela uhulumende ugwalo lwe petition olusola ukungaphathwa kuhle kwabesifazana labantwana elizweni, ngendlela yokunanza umkhosi we 16 Days Against Gender-Based Violence osaqhubeka.
UMnumzana Kossam Ncube, igqwetha elibamelayo utshele iStudio 7 ukuthi amalunga eWOZA agoqela inkokheli yawo uNkosikazi Jenni Williams loNkosazana Magodonga Mahlangu, bakhululwe esitokisini se Drill Hall le Central Police Stations ngemva kwamahola amahlanu, esekhumbuze amapholisa ukuthi kulicala ukubabopha bengetheswanga icala.
UNkosazana Mahlangu utshele uSithandekile Mhlanga weStudio 7 ukuthi phakathi kwamalunga ewoza edlula inkulungwane eyodwa afole esiya emhlahlandlela engamaqembu edlula itshumi, amabili yiwo afinyelele lindawo ngoba amapholisa etshaye abanye achitha lokhu ukutshengisela.
UMnumzana Kossam Ncube, igqwetha elibamelayo utshele iStudio 7 ukuthi amalunga eWOZA agoqela inkokheli yawo uNkosikazi Jenni Williams loNkosazana Magodonga Mahlangu, bakhululwe esitokisini se Drill Hall le Central Police Stations ngemva kwamahola amahlanu, esekhumbuze amapholisa ukuthi kulicala ukubabopha bengetheswanga icala.
UNkosazana Mahlangu utshele uSithandekile Mhlanga weStudio 7 ukuthi phakathi kwamalunga ewoza edlula inkulungwane eyodwa afole esiya emhlahlandlela engamaqembu edlula itshumi, amabili yiwo afinyelele lindawo ngoba amapholisa etshaye abanye achitha lokhu ukutshengisela.
