BULAWAYO —
Inhlanganiso ezikhankasela ukukhululwa kwamagagasi omsakazo zithi zilokukhathazeka ngaliviki kunanzwa iWorld Radio Day, ukuthi uhulumende wakuleli ulokhu engagcwalisanga izithembiso zakhe zokukhulula amagagasi njengokwethembisa kwakhe ngaphansi kwesivumelwano seAfrican Charter on Broadcasting okuyikho okulakho ukugcwalisa ilungelo likazulu lokuxoxisana lokuthola ulwazi olutshiyeneyo ngezehlakalo ezithile elizweni.
Imbiko ekhutshwe zinhlanganiso lezi iMedia Institute of Southern Africa – MISA, le Zimbabwe Association for Community Radio Staitions – ZACRAS, ithi kumele izizalwane zikhathazeke ngokuswelakala kwemisakazo ezimele yodwa, ikakhulu ekazulu eyiyo elakho ukukhuthaza ingxoxo ngezehlakalo elizweni kanye lokubuswa kwalo.
Ngemva kweminyaka phose amatshumi amathathu lane iZimbabwe yathola uzibuse, yiyo elokho isele ezansi kwezwekazi leAfrica ingelamsakazo kazulu ama community radio stations.
Ilanga leli lijonge ukukhumbuza uhulumende ngokuqakatheka kwemisakazo ezaletha imbono etshiyeneyo elakho ukuthuthukisa ilizwe.
IMISA-Zimbabwe ithi ukungabaza kukahulumende ukupha umsakazo kazulu imvumo yokusebenza ngenye yezindlela uhulumende asehluleke ngayo ukulondoloza amalungelo oluntu ekuhambiseni lekutholeni imbiko.
Umsakazi uNkosikazi Busi Bhebhe uthi kuqakathekile ukuthi kuthi kunanzwa lelilanga kukhangelisiswe indikimba yalonyaka ethi ‘Gender Equality and Women Empowerment in Radio’, ukuze kuhloisiswe indlela abasakazi besifazana abaphathwa ngayo kanye lendaba ezisakazwa ziphathelane labomama.
Osebenza labesifazana, uNkosikazi Rita Mabhena, uthi indikimba yalonyaka inhle kakhulu ngoba igxile phezu kokuthi imisebenzi yabesifazana ebukekayo isakazwe hatshi ukuthi abantu batshone bephatheke ngobubi ababenzayo.
Uthi kulihlazo ukuthi imisebenzi emihle yabesifazana iyaphephulwa nje ngumoya kungela olendaba kuthi lapho bonile kusakazwe indawana yonke abantu bacuphisane ngayo igwayi.
Osakhulayo, uNkosazana Rutendo Moyo, uthi imisakazo iyawaswela amazwi abesifazana ngakho kuyadingeka ukuthi amantombazana asakhulayo akhuthazwe ukuyasebenza emisakazweni ngoba alakho ukuncedisa ukuthuthukisa abesifazana.
Kulezimiso ezinengi elizweni ezikhangela ukulinganiswa kwamathuba abesilisa labesifazana, kanti njalo zikhona ezinye ezikhangela indlela okumele kuphathwe ngayo ukusakaza kodwa kusadingeka indlela zokuthi ilandelwe ngokugcweleyo imithetho le ukuze kuthuthukiswe indlela abasakazi besifazana abaphathwa ngayo, indlela indaba zabomama ezibekwa ngayo kumisakazo le kanye lokuwavula amagagasi kuleli ukuze uzulu axoxisane engela kwesaba. Ilanga leli leWorld Radio Day elinanzwa mhlaka 13 February belingelesibilii, liqale nyakenye.
Imbiko ekhutshwe zinhlanganiso lezi iMedia Institute of Southern Africa – MISA, le Zimbabwe Association for Community Radio Staitions – ZACRAS, ithi kumele izizalwane zikhathazeke ngokuswelakala kwemisakazo ezimele yodwa, ikakhulu ekazulu eyiyo elakho ukukhuthaza ingxoxo ngezehlakalo elizweni kanye lokubuswa kwalo.
Ngemva kweminyaka phose amatshumi amathathu lane iZimbabwe yathola uzibuse, yiyo elokho isele ezansi kwezwekazi leAfrica ingelamsakazo kazulu ama community radio stations.
Ilanga leli lijonge ukukhumbuza uhulumende ngokuqakatheka kwemisakazo ezaletha imbono etshiyeneyo elakho ukuthuthukisa ilizwe.
IMISA-Zimbabwe ithi ukungabaza kukahulumende ukupha umsakazo kazulu imvumo yokusebenza ngenye yezindlela uhulumende asehluleke ngayo ukulondoloza amalungelo oluntu ekuhambiseni lekutholeni imbiko.
Umsakazi uNkosikazi Busi Bhebhe uthi kuqakathekile ukuthi kuthi kunanzwa lelilanga kukhangelisiswe indikimba yalonyaka ethi ‘Gender Equality and Women Empowerment in Radio’, ukuze kuhloisiswe indlela abasakazi besifazana abaphathwa ngayo kanye lendaba ezisakazwa ziphathelane labomama.
Osebenza labesifazana, uNkosikazi Rita Mabhena, uthi indikimba yalonyaka inhle kakhulu ngoba igxile phezu kokuthi imisebenzi yabesifazana ebukekayo isakazwe hatshi ukuthi abantu batshone bephatheke ngobubi ababenzayo.
Uthi kulihlazo ukuthi imisebenzi emihle yabesifazana iyaphephulwa nje ngumoya kungela olendaba kuthi lapho bonile kusakazwe indawana yonke abantu bacuphisane ngayo igwayi.
Osakhulayo, uNkosazana Rutendo Moyo, uthi imisakazo iyawaswela amazwi abesifazana ngakho kuyadingeka ukuthi amantombazana asakhulayo akhuthazwe ukuyasebenza emisakazweni ngoba alakho ukuncedisa ukuthuthukisa abesifazana.
Kulezimiso ezinengi elizweni ezikhangela ukulinganiswa kwamathuba abesilisa labesifazana, kanti njalo zikhona ezinye ezikhangela indlela okumele kuphathwe ngayo ukusakaza kodwa kusadingeka indlela zokuthi ilandelwe ngokugcweleyo imithetho le ukuze kuthuthukiswe indlela abasakazi besifazana abaphathwa ngayo, indlela indaba zabomama ezibekwa ngayo kumisakazo le kanye lokuwavula amagagasi kuleli ukuze uzulu axoxisane engela kwesaba. Ilanga leli leWorld Radio Day elinanzwa mhlaka 13 February belingelesibilii, liqale nyakenye.