WASHINGTON DC —
Inhlanganiso ephathisa abalambayo ngokudla emhlabeni jikelele eye World Food Program (WFP) ithi eleZimbabwe libhekane lendlala enkulu engakaze ibonakale eminyakeni emihlanu edluleyo njalo ithi okwenza umumo ube mubi ngamandla yikuthi ukudla ekwabela uzulu sokuzaphela.
Osaphethe isikhundla sikamqondisi walinhanganiso eZimbabwe uMnu Abdurrahim Siddiqui utshele iStudio 7 ukuthi ukudla okuseziphaleni zabo kathesi kuzaphela ngalinyanga njalo nxa bengatholanga okunye kuzamele baqume ukudla abakwabela abalambayo.
USiddiqui wengeze wathi badinga uncedo lwemali engangezigidi ezingamatshumi ayisithupha zamadollar-$60 million yokuthenga ukudla, okugoqela impuphu, amafutha okupheka kanye lendumba.
Ilizwe lidinga ukudla okungange zigidi eizmbili zamathani-2 million tones ngomnyaka kodwa uhulumende uthi okwamanje kulamathani azinkulungwane ezingamakhulu amathathu- 300,000 tones kuphela eziphaleni zakhe. Abantu abedlula kancane izigidi ezimbili, 2, 2 million badinga ukuphathiswa ngokudla.
Uhulumende uthi seqalisile ukuthenga umumbu eSouth Africa olesilinganiso samatani azinkulungwane ezilikhulu lengxenye-150,000 tonnes.
Umsekeli kamphathintambo wezokulima uMnu David Marapira utshele iStudio 7 ukuthi phakathi kwamathani la, inkulungwane eyodwa-1000 sefikile elizweni.
UMarapira ulandule njalo imbiko yeMDC yokuthi abasekeli bayo bayancitshwa ukudla nguhulumende kwezinye indawo.
Ukuze sizwe umumo wendlala endaweni ezitshiyeneyo sixhume isakhamuzi seBinga South uNkosazana Angelina Moyo lesakhamusi leLower Gwelo uMnu Ezra Tshisa Sibanda oyintatheli njalo osengusopolitika.
Osaphethe isikhundla sikamqondisi walinhanganiso eZimbabwe uMnu Abdurrahim Siddiqui utshele iStudio 7 ukuthi ukudla okuseziphaleni zabo kathesi kuzaphela ngalinyanga njalo nxa bengatholanga okunye kuzamele baqume ukudla abakwabela abalambayo.
USiddiqui wengeze wathi badinga uncedo lwemali engangezigidi ezingamatshumi ayisithupha zamadollar-$60 million yokuthenga ukudla, okugoqela impuphu, amafutha okupheka kanye lendumba.
Ilizwe lidinga ukudla okungange zigidi eizmbili zamathani-2 million tones ngomnyaka kodwa uhulumende uthi okwamanje kulamathani azinkulungwane ezingamakhulu amathathu- 300,000 tones kuphela eziphaleni zakhe. Abantu abedlula kancane izigidi ezimbili, 2, 2 million badinga ukuphathiswa ngokudla.
Uhulumende uthi seqalisile ukuthenga umumbu eSouth Africa olesilinganiso samatani azinkulungwane ezilikhulu lengxenye-150,000 tonnes.
Umsekeli kamphathintambo wezokulima uMnu David Marapira utshele iStudio 7 ukuthi phakathi kwamathani la, inkulungwane eyodwa-1000 sefikile elizweni.
UMarapira ulandule njalo imbiko yeMDC yokuthi abasekeli bayo bayancitshwa ukudla nguhulumende kwezinye indawo.
Ukuze sizwe umumo wendlala endaweni ezitshiyeneyo sixhume isakhamuzi seBinga South uNkosazana Angelina Moyo lesakhamusi leLower Gwelo uMnu Ezra Tshisa Sibanda oyintatheli njalo osengusopolitika.
