WASHINGTON DC —
Umkhokheli weMDC uMnu Welshman Ncube sesole kakhulu isinqumo sedale leConstitutional Court esokuthi ukhetho kumele lwenziwe kungakedluli inyanga kaNtulikazi.
Embikweni awethule ngoLwesibili, uNcube uthe ngokwethula isinqumo lesi, umthethwandaba lo uphambanisile ngoba ungalandelanga umthetho.
Wengeze wathi okwenziwe yilelidale kufana lokutshela uzulu ukuthi ungahlanganisa okukodwa lokukodwa uba lokuthathu, okuyimpumela engaqondanga.
UMnu Ncube, yena oligqwetha njalo eyingcwethi kumithetho ephathelane lesisekelo sombuso uthi ubale kanenginengi izizatho zedale leli phezu kwesinqumo sokhetho wehluleka ukuthola esilohlonzi njalo esisuthisayo.
"Ukwamukela isinqumo lesi kufana lokuhlasela ukuhlakanipha kwami," kutsho uMnu Ncube. "Ngenhlonipho enkulu, isinqumo lesi asiqondanga. Ungahlanganisa okukodwa lokukodwa awutholi okuthathu."
"Yebo umthetho usibamba ngamandla ukuthi sihloniphe isinqumo lesi, kodwa asivumi ukusamukela ngoba kasiqondanga."
Imbono kaNcube igcizelelwe ligqwetha uMnu Matshobana Ncube.
NgoMvulo ibandla likaMnu Welshman Ncube lethule umbiko wokuothi idale leConstitutional Court lingaba lingekho emthethweni, okutsho ukuthi belingamelanga lihlale lihluza loludaba.
Ukudonselana phezu kwesinqumo lesi kuyaqhubeka kuhulumende womanyano, njalo ngoLwesithathu amacele eMDC lamanye amabandla angekho kukahulumende, abikwa ezahlangana eHarare ehluza isinqumo lesi.
Izithunywa zikaMongameli Jacob Zuma weleSouth Africa, ongumlamulankunzi kudaba lweZimbabwe, lazo ziselizweni ukuzebona ngamalungiselelo okhetho.
Kunjalo nje, kuqhamuke udlakela eGokwe kuWard 19 ngoMvulo ntambama kwatshaywa kakubi isiphathamandla seMDC-T uMnu Naison Taruvinga loNkosikazi wakhe.
Ababili laba balimele njalo babikwa besesabela impilo zabo. Abakhulume leStudio 7 bathi abasekeli beZanu PF yibo abahlasele uTaruvinga emzini wakhe batshaya indlu yakhe ngamatshe babulala amafasitela.
Amapholisa athi aphakathi kokuthungatha abasekeli beZanu PF laba.
Embikweni awethule ngoLwesibili, uNcube uthe ngokwethula isinqumo lesi, umthethwandaba lo uphambanisile ngoba ungalandelanga umthetho.
Wengeze wathi okwenziwe yilelidale kufana lokutshela uzulu ukuthi ungahlanganisa okukodwa lokukodwa uba lokuthathu, okuyimpumela engaqondanga.
UMnu Ncube, yena oligqwetha njalo eyingcwethi kumithetho ephathelane lesisekelo sombuso uthi ubale kanenginengi izizatho zedale leli phezu kwesinqumo sokhetho wehluleka ukuthola esilohlonzi njalo esisuthisayo.
"Ukwamukela isinqumo lesi kufana lokuhlasela ukuhlakanipha kwami," kutsho uMnu Ncube. "Ngenhlonipho enkulu, isinqumo lesi asiqondanga. Ungahlanganisa okukodwa lokukodwa awutholi okuthathu."
"Yebo umthetho usibamba ngamandla ukuthi sihloniphe isinqumo lesi, kodwa asivumi ukusamukela ngoba kasiqondanga."
Imbono kaNcube igcizelelwe ligqwetha uMnu Matshobana Ncube.
NgoMvulo ibandla likaMnu Welshman Ncube lethule umbiko wokuothi idale leConstitutional Court lingaba lingekho emthethweni, okutsho ukuthi belingamelanga lihlale lihluza loludaba.
Ukudonselana phezu kwesinqumo lesi kuyaqhubeka kuhulumende womanyano, njalo ngoLwesithathu amacele eMDC lamanye amabandla angekho kukahulumende, abikwa ezahlangana eHarare ehluza isinqumo lesi.
Izithunywa zikaMongameli Jacob Zuma weleSouth Africa, ongumlamulankunzi kudaba lweZimbabwe, lazo ziselizweni ukuzebona ngamalungiselelo okhetho.
Kunjalo nje, kuqhamuke udlakela eGokwe kuWard 19 ngoMvulo ntambama kwatshaywa kakubi isiphathamandla seMDC-T uMnu Naison Taruvinga loNkosikazi wakhe.
Ababili laba balimele njalo babikwa besesabela impilo zabo. Abakhulume leStudio 7 bathi abasekeli beZanu PF yibo abahlasele uTaruvinga emzini wakhe batshaya indlu yakhe ngamatshe babulala amafasitela.
Amapholisa athi aphakathi kokuthungatha abasekeli beZanu PF laba.