WASHINGTON —
Inengi labantu abalelungelo lokuvota lithi selilindele ukhetho oluzayo olokudinga umongameli, amakhansila, lamalunga edale lephalamende le senate ngamehlo abomvu ngoba beselikhathele ngohulumende womanyano.
Abalelali abakhulume leStudio 7 bathi lanxa uhlelo lokubhalisela ukuvota olwe mobile voter registration luvimbela inengi ukuthi libhalise, labo abenelisileyo bazimisele ukuyavota.
URegistrar General uMnu. Tobaiwa Mudede ubikwa esithi uhlelo lolu solubhalise abazinkulungwane ezingamakhulu amane-400 000, njalo sekulamagama abantu edlula kancane izigidi eziyisithupha-6 million abalelungelo lokuvota elizweni.
UNkosikazi Sikhangezile Moyo, umlaleli we Studio 7 uthi ufisa ukhetho lulandulelele uhulumende ozathuthukisa umnotho welizwe, ukwenzela ukuthi indodana yakhe aseleminyaka-leminyaka engayiboni ngoba isebenzela egoli iphenduke ekhaya.
UMnu. Jabulani Moyo we Nsuza esigabeni se Bubi-Mguza uthi uzavota ekhululekile ngoba ibandla alisekelayo lakhetha kuhle abazancintisa kulesisigaba.
UNkosikazi Janet Nkala we Gwanda uthi abanye asebeluphele njengaye abafinyeleli endaweni zokubhalisela ukuvota, njalo imuli zabo azivunyelwa ukuthi zihlole ukuthi amabizo abo akhona kuvoter’s roll nxa bengekho njengakuqala.
Abalelali abakhulume leStudio 7 bathi lanxa uhlelo lokubhalisela ukuvota olwe mobile voter registration luvimbela inengi ukuthi libhalise, labo abenelisileyo bazimisele ukuyavota.
URegistrar General uMnu. Tobaiwa Mudede ubikwa esithi uhlelo lolu solubhalise abazinkulungwane ezingamakhulu amane-400 000, njalo sekulamagama abantu edlula kancane izigidi eziyisithupha-6 million abalelungelo lokuvota elizweni.
UNkosikazi Sikhangezile Moyo, umlaleli we Studio 7 uthi ufisa ukhetho lulandulelele uhulumende ozathuthukisa umnotho welizwe, ukwenzela ukuthi indodana yakhe aseleminyaka-leminyaka engayiboni ngoba isebenzela egoli iphenduke ekhaya.
UMnu. Jabulani Moyo we Nsuza esigabeni se Bubi-Mguza uthi uzavota ekhululekile ngoba ibandla alisekelayo lakhetha kuhle abazancintisa kulesisigaba.
UNkosikazi Janet Nkala we Gwanda uthi abanye asebeluphele njengaye abafinyeleli endaweni zokubhalisela ukuvota, njalo imuli zabo azivunyelwa ukuthi zihlole ukuthi amabizo abo akhona kuvoter’s roll nxa bengekho njengakuqala.