JOHANNESBURG —
UMongameli Jacob Zuma wakwele South Africa uthi inhlanganiso yeSADC isiwuqedile umsebenzi wayo eZimbabwe njalo udaba lokusombulula inkinga zeZimbabwe selufike emaphethelweni. UZuma wethule lamazwi emsakazweni weSABC Television ngesikhathi ebuzwa ngempumela yomhlangano weSADC osanda kuqhutshwa eMalawi.
Ekhuluma emsakazweni weSABC Television ngoMvulo uMongameli Jacob Zuma uncome kakhulu umhlangano weSadc osanda kuqhutshwa eMalawi wathi ngumhlangano ophumelele okwamagama.
Esephawula ngomsebenzi wakhe edabeni lweZimbabwe lapho abekhethwe khona yinhlanganiso ye Sadc ukuthi abengumlamulankunzi, uZuma uthe Sadc isiwufezile umsebenzi wayo wokulungisa indaba ebezihlupha eZimbabwe.
Ebuzwa ngokuthi lungaphela kanjani loludaba njengoba ibandla leMovement for Democratic Change ekhokhelwa nguMnumnzana Tsvangirai lisala ukwemukela impumela yalolukhetho lisithi belulokuqilibezela, uZuma uthe njengoba lelibandla selazise ukuthi kalisezukuphikisana lempumela yalolukhetho emthethwandaba, kutsho ukuthi udaba lweZimbabwe selugqitshiwe.
Kusenjalo isizalwane seZimbabwe uMnumnzana Golokodo Mnkhwananzi uthi inkulumo kaZuma le iyadanisa kakhulu.
Lobanje ibandla leMDC lazise ukuthi kalisezukuphikisana lempumela yokhetho emthethwandaba ngesizatho sokuthi ikomishini yezokhetho yale lobufakazi obebuqakathekile kuloludaba, umthethwandaba wesisekelo sombuso unqume ukuthi uzaqhubekela phambili wethule isinqumo ngaloludaba ngoLwesibili.
Ekhuluma emsakazweni weSABC Television ngoMvulo uMongameli Jacob Zuma uncome kakhulu umhlangano weSadc osanda kuqhutshwa eMalawi wathi ngumhlangano ophumelele okwamagama.
Esephawula ngomsebenzi wakhe edabeni lweZimbabwe lapho abekhethwe khona yinhlanganiso ye Sadc ukuthi abengumlamulankunzi, uZuma uthe Sadc isiwufezile umsebenzi wayo wokulungisa indaba ebezihlupha eZimbabwe.
Ebuzwa ngokuthi lungaphela kanjani loludaba njengoba ibandla leMovement for Democratic Change ekhokhelwa nguMnumnzana Tsvangirai lisala ukwemukela impumela yalolukhetho lisithi belulokuqilibezela, uZuma uthe njengoba lelibandla selazise ukuthi kalisezukuphikisana lempumela yalolukhetho emthethwandaba, kutsho ukuthi udaba lweZimbabwe selugqitshiwe.
Kusenjalo isizalwane seZimbabwe uMnumnzana Golokodo Mnkhwananzi uthi inkulumo kaZuma le iyadanisa kakhulu.
Lobanje ibandla leMDC lazise ukuthi kalisezukuphikisana lempumela yokhetho emthethwandaba ngesizatho sokuthi ikomishini yezokhetho yale lobufakazi obebuqakathekile kuloludaba, umthethwandaba wesisekelo sombuso unqume ukuthi uzaqhubekela phambili wethule isinqumo ngaloludaba ngoLwesibili.