Ilanga leNational Tree Planting Day, eZimbabwe linanzwa ngoMgqibelo wakuqala wenyanga kaMpalakazi.
Lonyaka linanzwe ngempelasonto edluleyo, uZimbabwe National Tree Ambassador, uMnu Never Bonde ekhuthaza abantu ukuba bahlanyele izihlahla ngoZibandlela phansi sekumanzi izulu selike lana okuzwayo.
''Mina ukubona kwami yikuthi izihlahla asiqale ukulungiselela ukuzihlanyela NgoZibandlela noba kuyabe kulezulu elinengi lingananzelela umomo womkhathi suguqukile singazihlanyela khathesi izihlahla ziyakutsha noba kuyatshisa njalo lezulu liyaphuza ukuna.''
UBonde wengeze ethi inkampani yamandla kagesti sekumele ilungisise udubo lokusilela kwamandla kagetsi ngoba ngenye layo esibangela ukuba amahlathi aphele abantu bedinga okungabasiza ukupheka lokukhanyisa.
''Izihlahla seziphelile swkumele silungise indaba yeSolar leas, iZESA sekumele ilungise udubo lokusilela kwamandla kagesti, inengi Labantu selasuka emakhaya selihlala edolobheni. Lonyaka sihlanyela umvaazi njalo ilizwe lileminyaka eyi40, ngakhoke wonke umuntu kumele ahlanyele izihlahla eziyi40.''
Okugcizelwe nguNkosikazi Siphelithemba Mhlambesi osuka eMaphisa, eKezi.
''Ngisuka eMaphisa, ngivumelana loBaba uBonde ukuba izihlahla zilinywe ngoZibandlela noba ziyabamba izulu uma lisina singahlanyela manje zilakho ukutsha ngoba kuysatshisa njalo komile phansi.''
Ugatsha lukahulumende olubona ngezemvelo, amanzi lomkhathi besebenzelana leForestry Commission bathi amahlathi aya etshabalala ngoba abantu sebegamula izihlahla mahlayana.
EZimbabwe izihlahla ziqala ukuhlanyelwa ngeviki yakuqala kaMpalakazi Ngomgqibelo kusiya kuMabasa njalo inhlanganiso ezizimeleyo seziqalile umkankaso walonyaka wokukhuthazana ukuhlanyela izihlahla. Isihlahla esikhuthazwa ukuhlanyelwa lonyaka ngesomvagazi.