BULAWAYO —
Inkokheli kazulu enhla lezansi kweMandebeleni ithi kudingeka uhulumende athathe amanyathelo aqinileyo okulungisisa masinyane imigwaqo evele imibi yona esiqediselwe lizulu elitshiye ezinye izigaba zingasafikeki. Lokhu sokusenza uzulu esabele ukuthi sekuzakuba nzima ukuthuthelwa kokudla okuphuthumayo kuzulu osezigabeni ezisehlaselwe yindlala.
Isethekeli esihamba ngomgwaqo osuka edolobheni le Binga usiya eSiabuwa enhla kwalesosigaba singakufakaza ukuthi ulungele izimota zohlobo lwe four wheel drive kuphela ngoba ugcwele amagodi kanye lezifudlana eziwuquma zisiya le lale. Line kangaka nje izulu kulezinye izigaba zawo ezingaqunywayo ngenxa yodaka olubamba izimota kanti ezinye zitshelela kulimale abantu.
Oseke wayafika eSiabuwa angafakaza njalo ukuthi ubunzima balo umgwaqo benza ukuthi abantu baswele izimota zokuhamba ngoba iyodwa kuphela ibhasi esuka koBulawayo isiya eSiabuwa kanti njalo inani lezimota ezihamba ngawo zisiya eBinga lalo liphansi kakhulu. Ngenxa yalokho, ummango lo uhlezi ulabantu emgwaqweni belindele izimota zokuya eBinga, okuyilona dolobho elikhulu.
Uzulu we Siabuwa uhamba nzima njalo uma efuna ukuya endaweni eziseduze ezibalisela i Gokwe, i Karoi kanye lendawo yokuzijabulisa ngokuthiya inhlanzi eye Mujere Fishing Camp.
Lanxa iqakatheke kakhulu ekuthuthiseleni usizo lokudla oluphuthumayo kuzulu olambayo, imigwaqo yezansi kweMandebeleni seyahlala imibi ngendlela ebangela ukuthi abamabhasi lezinye izimota ezithwala abantu babaleke besiya sebenzela lapho okulemigwaqo engcono.
Lo yiwo njalo umkhosi okhalwa nguzulu we Hwange lapho imigwaqo esife kakhulu kulandela izulu elinengi eliqale ukuna ngenyanga ephelileyo njalo elisaqhbekayo.
IStudio 7 ixoxe leziphathamandla zamakhansili abalisela i Mzingwane, Gwanda, Insiza, i Kusile, Nkayi, Tsholotsho, Bubi kanye le Beitbridge yathola ukuthi zonke izigaba zikhangelane lodubo olunzima lwemigqwaqo njalo zesabela ukuthi kuzakuba nzima ukuhambisa usizo lokudla oluphuthumayo kuzulu olambayo.
Inkokheli kazulu enhla lezansi kweMandebeleni ithi kudingeka uhulumende athathe amanyathelo aqinileyo okulungisisa masinyane imigwaqo evele imibi yona esiqediselwe lizulu elitshiye ezinye izigaba zingasafikeki. Lokhu sokusenza uzulu esabele ukuthi sekuzakuba nzima ukuthuthelwa kokudla okuphuthumayo kuzulu osezigabeni ezisehlaselwe yindlala.
Isethekeli esihamba ngomgwaqo osuka edolobheni le Binga usiya eSiabuwa enhla kwalesosigaba singakufakaza ukuthi ulungele izimota zohlobo lwe four wheel drive kuphela ngoba ugcwele amagodi kanye lezifudlana eziwuquma zisiya le lale. Line kangaka nje izulu kulezinye izigaba zawo ezingaqunywayo ngenxa yodaka olubamba izimota kanti ezinye zitshelela kulimale abantu.
Oseke wayafika eSiabuwa angafakaza njalo ukuthi ubunzima balo umgwaqo benza ukuthi abantu baswele izimota zokuhamba ngoba iyodwa kuphela ibhasi esuka koBulawayo isiya eSiabuwa kanti njalo inani lezimota ezihamba ngawo zisiya eBinga lalo liphansi kakhulu. Ngenxa yalokho, ummango lo uhlezi ulabantu emgwaqweni belindele izimota zokuya eBinga, okuyilona dolobho elikhulu.
Uzulu we Siabuwa uhamba nzima njalo uma efuna ukuya endaweni eziseduze ezibalisela i Gokwe, i Karoi kanye lendawo yokuzijabulisa ngokuthiya inhlanzi eye Mujere Fishing Camp.
Lanxa iqakatheke kakhulu ekuthuthiseleni usizo lokudla oluphuthumayo kuzulu olambayo, imigwaqo yezansi kweMandebeleni seyahlala imibi ngendlela ebangela ukuthi abamabhasi lezinye izimota ezithwala abantu babaleke besiya sebenzela lapho okulemigwaqo engcono.
Lo yiwo njalo umkhosi okhalwa nguzulu we Hwange lapho imigwaqo esife kakhulu kulandela izulu elinengi eliqale ukuna ngenyanga ephelileyo njalo elisaqhbekayo.
IStudio 7 ixoxe leziphathamandla zamakhansili abalisela i Mzingwane, Gwanda, Insiza, i Kusile, Nkayi, Tsholotsho, Bubi kanye le Beitbridge yathola ukuthi zonke izigaba zikhangelane lodubo olunzima lwemigqwaqo njalo zesabela ukuthi kuzakuba nzima ukuhambisa usizo lokudla oluphuthumayo kuzulu olambayo.
