BULAWAYO —
Uzulu uthi kuqakathekile ukuthi izizalwane zakuleli zikhulumisane lebandla elibusayo ukuthi livele lijongeni ngohlelo lwayo lokuthuthukisa inotho yelizwe ngoba ngani abantu bebhadwa ngodaka emehlweni nje ngenxa yobuqili lokungathembeki okugcwele kumalunga alelibandla.
Uzulu ubekhuluma emhlanganweni wokucubungula uhlelo lwebandla leZanu PF lokuthuthukisa inotho yelizwe i-Zimbabwe Agenda for Sustainable Socio Economic Transformation, ngaphansi kwesihloko esithi Can ZIMASSET Revive Industries and Turn Around the Economy.
Inengi kuzulu lithi lokhu akuthembisi ikakhulu nxa kukhangelwa imbiko eqale ukuphuma kumaviki asanda kwedlula eyokungathembeki kweziphathamandla ezitshiyeneyo ezilobudlelwano lalelibandla okutshengisa ukuthi uhulumende akalawo amacebo abambekayo okuthuthukisa inotho yelizwe.
Ekhuluma ngaloluhlelo lweZIMASSET, uMnumzana Archie Chiponda, umsekeli kamgcinisihlalo wentsha kubandla le Zanu PF koBulawayo, uthi ibandla lake lizagcwalisa izithembiso elizenzileyo ukuthuthukisa impilo kazulu.
Uthi uhlelo lolu luzakhupha zonke iziphathamandla ezingathembekanga ngoba luqakathekisa ukuthi abaphathi bengatsha ezitshiyeneyo benze umsebenzi ngendlela hatshi ukuthi babambise abantu ilitshe bahambe umhambabangabuyi njalo kuze kube yisikhathi sokhetho.
Ingcwethi ekucubunguleni ukuhlalisana kuzulu, uMnumzana Freedom Mazwi, uthi vele ibandla leli likwejwayele ukubambisa abantu ilitshe libatshela okuthile kodwa lisenza okwehlukileyo kulokhu elikuthembisayo.
Uthi kusobala ukuthi lelibandla alilawo amandla kumbe inhlelo ezilakho ukuhuga amankampani alemali evela kwamanye amazwe ukuza kuleli ngoba kuvele akucaci ukuthi inkokheli yalelibandla ilisa ngaphi ilizwe.
Umqondisi weBulawayo Agenda, abaqoqi balumhlangano, uMnumzana Thabani Nyoni uthi bahlezi bejonge ukuthi uzulu athole inkundla lapho akhulumisana khona, atshuke indaba ezimphathayo ngoba vele injobo enhle ngethungelwa ebandla.
Uthi kuqakathekile ukuthi kukhulunyiswane ngenhlelo eziphatha inhlalakahle kazulu, zicutshungulwe ukuze kubonakale ukuthi ziyasebenza na.
Wengeze esithi iZIMASSET luhlelo ibandla leZanu PF elithi lizaguqula impilo zabantu kungakho kumqoka ukuthi abantu baluzwisise njalo babuze lapho abangazwisisi khona.
Umhlangano lo ophathwe izolo kusihlwa ubengowakuqala walinhlanganiso lonyaka, usiza ngesikhathi ilizwe libhekane lendubo ezitshiyeneyo ezigoqela ukuswelakala kwemali, ukuthenga impahla enengi kakhulu evela kwamanye amazwe, ukuswelakala kwemali yokwengeza iholo lezisebenzi kanye lokungethembeki kweziphathamandla ekusebenziseni imali kazulu.
Uzulu ubekhuluma emhlanganweni wokucubungula uhlelo lwebandla leZanu PF lokuthuthukisa inotho yelizwe i-Zimbabwe Agenda for Sustainable Socio Economic Transformation, ngaphansi kwesihloko esithi Can ZIMASSET Revive Industries and Turn Around the Economy.
Inengi kuzulu lithi lokhu akuthembisi ikakhulu nxa kukhangelwa imbiko eqale ukuphuma kumaviki asanda kwedlula eyokungathembeki kweziphathamandla ezitshiyeneyo ezilobudlelwano lalelibandla okutshengisa ukuthi uhulumende akalawo amacebo abambekayo okuthuthukisa inotho yelizwe.
Ekhuluma ngaloluhlelo lweZIMASSET, uMnumzana Archie Chiponda, umsekeli kamgcinisihlalo wentsha kubandla le Zanu PF koBulawayo, uthi ibandla lake lizagcwalisa izithembiso elizenzileyo ukuthuthukisa impilo kazulu.
Uthi uhlelo lolu luzakhupha zonke iziphathamandla ezingathembekanga ngoba luqakathekisa ukuthi abaphathi bengatsha ezitshiyeneyo benze umsebenzi ngendlela hatshi ukuthi babambise abantu ilitshe bahambe umhambabangabuyi njalo kuze kube yisikhathi sokhetho.
Ingcwethi ekucubunguleni ukuhlalisana kuzulu, uMnumzana Freedom Mazwi, uthi vele ibandla leli likwejwayele ukubambisa abantu ilitshe libatshela okuthile kodwa lisenza okwehlukileyo kulokhu elikuthembisayo.
Uthi kusobala ukuthi lelibandla alilawo amandla kumbe inhlelo ezilakho ukuhuga amankampani alemali evela kwamanye amazwe ukuza kuleli ngoba kuvele akucaci ukuthi inkokheli yalelibandla ilisa ngaphi ilizwe.
Umqondisi weBulawayo Agenda, abaqoqi balumhlangano, uMnumzana Thabani Nyoni uthi bahlezi bejonge ukuthi uzulu athole inkundla lapho akhulumisana khona, atshuke indaba ezimphathayo ngoba vele injobo enhle ngethungelwa ebandla.
Uthi kuqakathekile ukuthi kukhulunyiswane ngenhlelo eziphatha inhlalakahle kazulu, zicutshungulwe ukuze kubonakale ukuthi ziyasebenza na.
Wengeze esithi iZIMASSET luhlelo ibandla leZanu PF elithi lizaguqula impilo zabantu kungakho kumqoka ukuthi abantu baluzwisise njalo babuze lapho abangazwisisi khona.
Umhlangano lo ophathwe izolo kusihlwa ubengowakuqala walinhlanganiso lonyaka, usiza ngesikhathi ilizwe libhekane lendubo ezitshiyeneyo ezigoqela ukuswelakala kwemali, ukuthenga impahla enengi kakhulu evela kwamanye amazwe, ukuswelakala kwemali yokwengeza iholo lezisebenzi kanye lokungethembeki kweziphathamandla ekusebenziseni imali kazulu.