BULAWAYO —
Umphathintambo omkhulu kahulumende uAmbassador Simon Khaya Moyo utshele inhlanganiso ezizimele zodwa ukuthi kumele zamukele ukuthi ibandla le Zanu PF liyabusa njalo zinhlelo zalo ezizasebenza ukuthuthukisa ilizwe nxa zidinga ukuthi ziphathise ekwakheni inothoyelizwe kanye lobudlelwano kuminyaka emihlanu ezayo.
U Ambassador Khaya Moyo ubekhuluma lapho abengumhlonitshwa khona emkhosini wenhlanganiso ezizimele zodwa lezifundiswa ezivela emazweni angezansi ye Africa, oqale izolo.
Uthi kuqakathekile ukuthi inhlanganiso leli zivume iqiniso lokuthi ibandla lake yilo eliyabusa okweminyaka emihlanu ezayo kungakho akula kusasa okungakhulunywa ngayo kungaxoxiswananga ngenhlelo zayo zokwakha ilizwe, I ZIMASSET kanye lokuthi ilizwe lilokhu lingaphansi kwezijeziso zenotho.
Wengeze esithi uhulumende uzimisele ukukhulumisana lawo wonke umuntu odinga ukwakha ilizwe nxa ezimisele ukuhlonipha luhulumende.
Ekhuluma emhlanganweni ofanayo, umqondisi wenhlanganiso kazulu, i-Bulawayo Agenda, uMnumzana Thabani Nyoni uthi kuyakhuthaza ukuthi izizalwane zakuleli kusukela kuhulumende, inhlanganiso ezitshiyeneyo, izifundiswa kanye lozulu nje uzimisele ukukhulumisana ngomumo welizwe ukuze kudingwe amasu okusa ilizwe phambili.
UMnumzana Percy Makombe uphethe inhlelo zeZimbabwe kunhlanganiso ye Open Society of Southern Africa , i-OSISA. Uthi bebejonge ngalumhlangano ukuthi abantu bakuleli babelakho ukukhuluma kuqedwe ukungezwani kwayizolo kukhangelwe ikusasa yelizwe. Uthi lumkhosi ujonge ukuthi kukhulunyiswane ngezemfundo, ezombangazwe kanye lenotho yelizwe ngoba konke lokhu okusadinga ukuqondiswa.
Inhlanganiso ye OSISA engenye yenhlanganiso eziqoqe lumhlangano ithi inhloso yawo yikubuthanisa inhlanganiso ezizimeleyo zikazulu eZimbabwe kanye lengcwethi zemhlubulweni wangezansi kwezwekazi leAfrica ukuze zihlanganise amakhanda zibonisana indlela zokuthuthukisa ubudlelwano lokusebenzelana kukahulumende lenhlanganiso ezizimeleyo ekuthuthukiseni inhlalakahle kazulu elizweni.
Umhlangano lo wamalanga amathathu uphela kusasa njalo uqhutshwa ngaphansi kwendikimba ethi: Zimbabwe: Present Realities, Future Prospects.
U Ambassador Khaya Moyo ubekhuluma lapho abengumhlonitshwa khona emkhosini wenhlanganiso ezizimele zodwa lezifundiswa ezivela emazweni angezansi ye Africa, oqale izolo.
Uthi kuqakathekile ukuthi inhlanganiso leli zivume iqiniso lokuthi ibandla lake yilo eliyabusa okweminyaka emihlanu ezayo kungakho akula kusasa okungakhulunywa ngayo kungaxoxiswananga ngenhlelo zayo zokwakha ilizwe, I ZIMASSET kanye lokuthi ilizwe lilokhu lingaphansi kwezijeziso zenotho.
Wengeze esithi uhulumende uzimisele ukukhulumisana lawo wonke umuntu odinga ukwakha ilizwe nxa ezimisele ukuhlonipha luhulumende.
Ekhuluma emhlanganweni ofanayo, umqondisi wenhlanganiso kazulu, i-Bulawayo Agenda, uMnumzana Thabani Nyoni uthi kuyakhuthaza ukuthi izizalwane zakuleli kusukela kuhulumende, inhlanganiso ezitshiyeneyo, izifundiswa kanye lozulu nje uzimisele ukukhulumisana ngomumo welizwe ukuze kudingwe amasu okusa ilizwe phambili.
UMnumzana Percy Makombe uphethe inhlelo zeZimbabwe kunhlanganiso ye Open Society of Southern Africa , i-OSISA. Uthi bebejonge ngalumhlangano ukuthi abantu bakuleli babelakho ukukhuluma kuqedwe ukungezwani kwayizolo kukhangelwe ikusasa yelizwe. Uthi lumkhosi ujonge ukuthi kukhulunyiswane ngezemfundo, ezombangazwe kanye lenotho yelizwe ngoba konke lokhu okusadinga ukuqondiswa.
Inhlanganiso ye OSISA engenye yenhlanganiso eziqoqe lumhlangano ithi inhloso yawo yikubuthanisa inhlanganiso ezizimeleyo zikazulu eZimbabwe kanye lengcwethi zemhlubulweni wangezansi kwezwekazi leAfrica ukuze zihlanganise amakhanda zibonisana indlela zokuthuthukisa ubudlelwano lokusebenzelana kukahulumende lenhlanganiso ezizimeleyo ekuthuthukiseni inhlalakahle kazulu elizweni.
Umhlangano lo wamalanga amathathu uphela kusasa njalo uqhutshwa ngaphansi kwendikimba ethi: Zimbabwe: Present Realities, Future Prospects.