WASHINGTON —
Umkhokheli weMDC uMnu Welshman Ncube uthi kuqakathekile ukuthi amabandla aphikisayo amanyane ngaphambilili kokhetho luka2018 ukuze enelise ukunqoba iZanu PF.
Ekhuluma emhlanganweni awenzele koBulawayo ngempelaviki, uMnu Ncube uthe sesifikile isikhathi wonke amabandla ahlonipha intando kazulu amanyane lanxa nje engaba lokwehlukana kwembono kwezinye izinto.
"Sesilesikhathi eside singena kukhetho kodwa siphuma lempumela efanayo," kutsho umgcinisihlalo weMDC koBulawayo uMnu Oscar Ncube.
"Ngakho uNcube uthe kuqakathekile ukuthi simanyane njengamabandla aphikisayo ukuze sibe lethuba lokunqoba iZanu PF kukhetho.
Umhlangano weMDC lo wenzelwe eMakokoba, koBulawayo, njalo lelibandla lithi lizaqhuba imihlangano efanayo endaweni ezitshiyeneyo zelizwe.
