Umkhokheli weMDC uMnu Morgan Tsvangirai uthi wamukela uNkosikazi Joyce Mujuru ngesihle kuhlangothi lwamabandla aphikisana lombuso weZanu PF.
UMnu Tsvangirai uthi ukuphuma sobala kukaMujuru esola umbuso kaMongameli Mugabe kulakho ukudiliza iZanu PF.
UNkosikazi Mujuru wethule ugwalo lwakhe kuliviki lona athi ngumhlahlandlela azawulandela ukuvuselela umnotho welizwe nxa ethe wangena embusweni.
Umbuzo omkhulu ngothi kambe uTsvangirai engaba ezama ukuhuga uMujuru ukuthi babumbe umanyano ngaphambilini kokhetho luka2018 na?
Yebo kunjalo, kutsho ingcwethi kwezombusazwe uDr Nkululeko Sibanda.
"Ngibona angani kukabili, uTsvangirai engaba ezama ukusebenzelana loNkosikazi Mujuru kumbe uzama nje ukuthi azenze njengomunutu othand' ukuthi asebenze labanye," kutsho uSibanda.
