Umkhokheli weMDC-T uMnu Morgan Tsvangirai uthi ibandla lakhe kalisoze libe lisaphatheka kukhetho nxa uhulumende weZanu PF engalethanga inguquko ezwayo kwezombusazwe lakundlela lolukhetho oluqhutshwa ngayo.
Ekhuluma lentathelizindaba eHarare namuhla, uTsvangirai uthe isinqumo lesi sithethwe lidale lebandla lakhe leNational Executive ngeviki edluleyo. UTsvangirai uthi njalo bafuna kuhlelwe uluhlu lwabalelungelo lokuvota olucacicelo oluzenqabela ukuqilibezela kukhetho.
Uthe njalo ibandla lakhe lizasekela bonke abalesifiso sokungena ezitaladeni bekhonona ngokwehluleka kweZanu PF ukulungisisa umnotho ngoba kulilungelo likazulu ukutshengisela ngokuthula ngaphansi kwesisekelo sombuso esitsha.
Uphinde wanxusa bonke abaphuma kubandla lakhe ukuthi baphenduke. Uthe abalesifiso sokuphenduka kuMDC-T bavunyelwe ukuthi benze lokhu inyanga le ingakapheli. UNtungamili Nkomo oweStudio Seven uxhume isiphathamandla seMDC-T uMnu Abednico Bhebhe ochasisa okunengi.
Ukuhlaziya loludaba uNtungamili Nkomo uphinde waxhuma ingcwethi kwezombusazwe uMnu Nkululeko Sibanda.