BULAWAYO —
Inhloko kahulumende njalo engumkhokheli welinye lamacele eMDC, uMnumzana Morgan Tsvangirai, utshele inkokheli zenhlanganiso ezizimeleyo emhlanganweni ngoLwesine koBulawayo ukuthi isinqumo sedale leConstitutional Court ukuthi kube lokhetho umhlaka 31 Ntulikazi lonyaka engekedluli, siveza ukudonselana okukhona kuhulumende womanyano osokudonsele lelidale ukuthatha isinqumo okumele senziwe zinkokheli zikahulumende.
U Tsvangirai okoBulawayo okwamalanga amabili, uthi isinqumo sokuthi luphathwa nini ukhetho kumele senziwe nguye lomongameli welizwe kodwa bakhona kwezombusazwe asebekhethe ukusebenzisa lelidale lomthethwandaba ukufeza izifiso zabo. Uthi ukuphathwa kokhetho kungakalungiswa imithetho ukuze ihambelane lezimiso ezikusisekelo esitsha sombuso kuveza ukungahloniphi lolugwalo. Wengeze esithi lanxa kunjalo, okumkhathazayo akusikho kwelanga eliqanjiweyo kodwa kusekuthini inkokheli zizimisele na ukulungisa imithetho ezakwenza kube lokhetho olulokuthula olungasoze lwaphikiswa muntu.
UTsvangirayi uqhubeke esithi ulethemba lokuthi umhlangano we Sadc ozayo uzakhuthaza ukuqakatheka kokulungiswa kwemithetho, ukwethulwa kwembiko lezindaba, kanye lendlela esebenza ngayo abezomvikela. Uthi labo abathi ele South Africa lenhlanganiso yomanyano wamazwe angezansi kwezwekazi leAfrica abe Sadc, akumelanga bangenele kwezombusazwe zeZimbabwe abazi abakutshoyo ngoba limvumo bayiphiwa yinhlanganiso yomanyano wamazwe abensundu eye African Union lapho kubunjwa uhulumende womanyano.
Ekhuluma ngokuvumelana kwakhe lamabandla agoqela i MDC ekhokhelwa nguMnumzana Welshman Ncube, i Zapu, Zanu Ndonga kanye le Mavambo/Kusile/Dawn, u Tsvangirai uthi ukhangelele ukuthi kube yikuqala kokubambana phakathi kwamabandla la ukuze enelise ukuletha inguquko elizweni.
Uthi lokhu kuzenzakala kuphela nxa inkokheli lezi zingazimisela ukufeza izifiso zikazulu hatshi ukuzithuthukisa zona.
Ngemva kwalumhlangano, umgcinisihlalo we Bulawayo Agenda ebibize lumhlangano, uMnumzana Royal Ntini, uthe uqhutshwe kakuhle lanxa bengasabanga lesikhathi eside sokutshuka udaba lokhetho lolwesisekelo esitsha sombuso ngoba inhloko kahulumende ibisidingeka kweminye imihlangano.
UTsvangirayi uphathe eminye njalo imihlangano lenhlanganiso ye zisebenzi eye Zimbabwe Congress of Trade Unions, inkokheli zabafundi bemakolitshini kanye labosomabhizimisi.
Ubekhangelelwe ukuyakwethekelela esibhedlela se United Bulawayo Hospitals ngoLwesine kusihlwa. UTsvangirayi uqeda uhambo lwakhe ngoLwesihlanu lapho akhengelele ukuba abe esekhulumisane lenhlanganiso lozulu wenhlangothi ezitshiyeneyo.
U Tsvangirai okoBulawayo okwamalanga amabili, uthi isinqumo sokuthi luphathwa nini ukhetho kumele senziwe nguye lomongameli welizwe kodwa bakhona kwezombusazwe asebekhethe ukusebenzisa lelidale lomthethwandaba ukufeza izifiso zabo. Uthi ukuphathwa kokhetho kungakalungiswa imithetho ukuze ihambelane lezimiso ezikusisekelo esitsha sombuso kuveza ukungahloniphi lolugwalo. Wengeze esithi lanxa kunjalo, okumkhathazayo akusikho kwelanga eliqanjiweyo kodwa kusekuthini inkokheli zizimisele na ukulungisa imithetho ezakwenza kube lokhetho olulokuthula olungasoze lwaphikiswa muntu.
UTsvangirayi uqhubeke esithi ulethemba lokuthi umhlangano we Sadc ozayo uzakhuthaza ukuqakatheka kokulungiswa kwemithetho, ukwethulwa kwembiko lezindaba, kanye lendlela esebenza ngayo abezomvikela. Uthi labo abathi ele South Africa lenhlanganiso yomanyano wamazwe angezansi kwezwekazi leAfrica abe Sadc, akumelanga bangenele kwezombusazwe zeZimbabwe abazi abakutshoyo ngoba limvumo bayiphiwa yinhlanganiso yomanyano wamazwe abensundu eye African Union lapho kubunjwa uhulumende womanyano.
Ekhuluma ngokuvumelana kwakhe lamabandla agoqela i MDC ekhokhelwa nguMnumzana Welshman Ncube, i Zapu, Zanu Ndonga kanye le Mavambo/Kusile/Dawn, u Tsvangirai uthi ukhangelele ukuthi kube yikuqala kokubambana phakathi kwamabandla la ukuze enelise ukuletha inguquko elizweni.
Uthi lokhu kuzenzakala kuphela nxa inkokheli lezi zingazimisela ukufeza izifiso zikazulu hatshi ukuzithuthukisa zona.
Ngemva kwalumhlangano, umgcinisihlalo we Bulawayo Agenda ebibize lumhlangano, uMnumzana Royal Ntini, uthe uqhutshwe kakuhle lanxa bengasabanga lesikhathi eside sokutshuka udaba lokhetho lolwesisekelo esitsha sombuso ngoba inhloko kahulumende ibisidingeka kweminye imihlangano.
UTsvangirayi uphathe eminye njalo imihlangano lenhlanganiso ye zisebenzi eye Zimbabwe Congress of Trade Unions, inkokheli zabafundi bemakolitshini kanye labosomabhizimisi.
Ubekhangelelwe ukuyakwethekelela esibhedlela se United Bulawayo Hospitals ngoLwesine kusihlwa. UTsvangirayi uqeda uhambo lwakhe ngoLwesihlanu lapho akhengelele ukuba abe esekhulumisane lenhlanganiso lozulu wenhlangothi ezitshiyeneyo.
