WASHINGTON DC —
Umkhokheli weMDC-T uMnu Morgan Tsvangirai uzakwenza umhlangano koBulawayo ngoMgqibelo lapho akhangelelwe ukukhuthaza ukubambana kubandla lakhe.
Umhlangano lo ulandela imihlangano uTsvangirai aseyiqhubile eChitungwiza leMabvuku njalo uza kulokufuthelana kubandla lakhe ezinye iziphathamandla zisithi sokumele atshiye isihlalo kukhethwe inkokheli entsha.
Ukufuthelana lokhu kuqheliswe yikuxotshwa kukaMnu Elton Mangoma yena oyetheswa icala lokuyangisa uTsvangirai ngokumxwayisa ukuthi sokumele asuke esihlalweni ngoba seyehlulekile ukususa iZanu PF embusweni.
Banengi ababikwa besekela imbono kaMangoma, abagoqela unobhala jikelele webandla uMnu Tendai Biti yena otshele intathelizindaba ngeviki edluleyo ukuthi ukuxotshwa kwakhe akukho emthetweni njalo kakunanzi.
Ingcwethi zithi amazwi kabiti la aveza sobala ukuthi selidabuke phakathi ibandla njalo zithi kuzaba sobala kusikhatshana esizayo lokhu.
Umsekeli wesikhulumeli seMDC-T uMnu Joel Gabuza utshele iStudio 7 ukuthi uTsvangirai uzakhuthaza ukubambana ngoMgqibelo.
Umhlangano lo ulandela imihlangano uTsvangirai aseyiqhubile eChitungwiza leMabvuku njalo uza kulokufuthelana kubandla lakhe ezinye iziphathamandla zisithi sokumele atshiye isihlalo kukhethwe inkokheli entsha.
Ukufuthelana lokhu kuqheliswe yikuxotshwa kukaMnu Elton Mangoma yena oyetheswa icala lokuyangisa uTsvangirai ngokumxwayisa ukuthi sokumele asuke esihlalweni ngoba seyehlulekile ukususa iZanu PF embusweni.
Banengi ababikwa besekela imbono kaMangoma, abagoqela unobhala jikelele webandla uMnu Tendai Biti yena otshele intathelizindaba ngeviki edluleyo ukuthi ukuxotshwa kwakhe akukho emthetweni njalo kakunanzi.
Ingcwethi zithi amazwi kabiti la aveza sobala ukuthi selidabuke phakathi ibandla njalo zithi kuzaba sobala kusikhatshana esizayo lokhu.
Umsekeli wesikhulumeli seMDC-T uMnu Joel Gabuza utshele iStudio 7 ukuthi uTsvangirai uzakhuthaza ukubambana ngoMgqibelo.