Omelele ukungena esikhundleni sikamongameli eMelika uMnu. Donald Trump usetshele amalunga ebandla lamarepublicans akudale lecongress ukuba engavumi ukuba kwethulwe uluhlu lokusetshenziswa kwemali yelizwe okumele kwenziwe ngoLwesihlanu.
UTrump lomsekeli wakhe uMnu. JD Vance labazamcebisa ukuphunguleni imali kahulumende uMnu. Elon Musk lomunye wakhe, bavumelane ukuba lokhu okade sokuvunywe ngamalunga edale leHouse of Representatives phose wonke akumelanga kupasiswa ngoLwesihlanu ngoba kugcwele okunengi okufiswa libandla lamaDemocrats.
Kungehlula ukuba kwethulwe uluhlu olutsha lokusetshenziswa kwemali kahulumende, kukhangelelwe ukuba kuzavalwa amanye amawofisi kahulumende lezinye indawo ezithola imali yelizwe.
Ukuze sihlaziye udaba lolu, sixoxe loMnu. Washington Jamela olandela ezombusazwe ezimele eseChicago.
Forum