UTrump loZelenskyy Balungiselela Ukusayina Isivumelwano Sokwenjiwa Kwamatshe Aligugu kweleUkraine

UMongameli Donald Trump uthi uMongameli Volodymyr Zelenskyy wakweleUkraine uzakuya eWhite House ngoLwesihlanu ukuyasayina isivumelwano sokuba eleMelika lembe amatshe aligugu atholakala kulelolizwe.

Kodwa uZelenskyy uthi kulokunye okumele kulungiswe bengakasayini isivumelwano lesi.

Isivumelwano lesi sizakupha eleMelika ilungelo lokwemba amatshe aligugu kwele-Ukraine njengendlela yokubhadala izikhali ezaphiwa ele-Ukraine zokulwisana lebutho leRussia, elahlasela lelolizwe kusukela ngomnyaka ka2022.

NgoLwesine emini umongameli Trump uqhube umhlangano lomkhokheli kahulumende weleBhilithane uMnu Keir Starmer eWhite House bekhuluma ngendaba ezitshiyeneyo ezigoqela impi yeleRussia le-Ukraine kanye lendaba zemithelo lukuthengiselana.

SEE ALSO:

Ingxoxo loMnu Raphael Mthombeni.