HARARE —
Uhlangothi lwabesifazana olwe MDC ekhokhelwa nguMnumzana Morgan Tsvangirayi lukhuthaza obaba kuleli bandla ukuba bavulele ithuba omama abafisa ukungena ezikhundleni zaphezulu hatshi ukubasebenzisa njengabalibazisi kuphela.
Lokhu kuvezwe nguMgcinisihlalo wohlangothi labesifazana ebandleni le MDC-T uNkosikazi Theresa Makone emhlanganweni labomama eUnit koSeke emzini weChitungwiza.
UMakone utshele phose inkulungwane ezimbili zabantu abeze emhlanganweni lo ukuba omama balakho ukuba zinkokheli ezingcono ngoba bengavamanga ukuphatheka kundaba zokungethembeki njengabobaba.
Abakade besemhlanganweni lo bakhuthazwe njalo ukuba bayebhalisa ukuze banelise ukuvhota kukhetho olukhangelelwe ukwenziwa lonyaka. Ngasikhathi sinye abesifazana bakhuthazwe ukuba basekelane ngokwabo behlukane lomkhuba wokudonselana phansi kundaba zezombusazwe.
Lumhlangano ungenwe zinkokheli kuhlangothi lwamakhosikazi eChitungwiza lezigaba ezibalisa eGoromonzi, Seke Rural kanye labavele emizini yeChitungwiza.
Akhona njalo amakhosikazi aze emele abenhlanganiso yezisebenzi iZimbabwe Congress of Trade Unions kulomhlangano.
Banengi omama kulomhlangano abatshengise isifiso sokuncintisa kukhetho oluzayo bemela izigaba abavele kizo.
Lokhu kuvezwe nguMgcinisihlalo wohlangothi labesifazana ebandleni le MDC-T uNkosikazi Theresa Makone emhlanganweni labomama eUnit koSeke emzini weChitungwiza.
UMakone utshele phose inkulungwane ezimbili zabantu abeze emhlanganweni lo ukuba omama balakho ukuba zinkokheli ezingcono ngoba bengavamanga ukuphatheka kundaba zokungethembeki njengabobaba.
Abakade besemhlanganweni lo bakhuthazwe njalo ukuba bayebhalisa ukuze banelise ukuvhota kukhetho olukhangelelwe ukwenziwa lonyaka. Ngasikhathi sinye abesifazana bakhuthazwe ukuba basekelane ngokwabo behlukane lomkhuba wokudonselana phansi kundaba zezombusazwe.
Lumhlangano ungenwe zinkokheli kuhlangothi lwamakhosikazi eChitungwiza lezigaba ezibalisa eGoromonzi, Seke Rural kanye labavele emizini yeChitungwiza.
Akhona njalo amakhosikazi aze emele abenhlanganiso yezisebenzi iZimbabwe Congress of Trade Unions kulomhlangano.
Banengi omama kulomhlangano abatshengise isifiso sokuncintisa kukhetho oluzayo bemela izigaba abavele kizo.
